668 EX S. G. EPISC. ET REGUL.

scientia patroni probatur. Cuius scientiae tempus proban-

dum est, cum sit de substantia ».

Hisce positis infert orator non amisisse patronum ius

praesentandi ad cappellaniam vacantem. Nulla enim vaca-

tionis notitia eidem data est, nulla vacationis publicatio fa-

cta est a Curia Taurinensi, nullaque resignatio in manus

patroni a cappellano Peyron, uti ex tabulis fundationis fieri

debebat. Quapropter negligentia patroni, qui longe moraba-

tur, in iudicium adduci nequit, iuxta illud 1. c. « investi-

gare non tenebatur. . . . non debet censeri negligens. . . .

quia praesumitur ignorantia ubi scientia non probatur ».

Praesumptio vero stat pro patrono. Hinc est quod etiam

iuxta De Angelis «. . . . ne allegetur ignorantia in dioece-

sibus receptum est, ut publico edicto Episcopus notificet

vacationem beneficii et edoceat patronos, ut si velint pro-

cedant ad praesentationem intra tempus a iure statutum ».

Denique contendit advocatus tum Priorem loci Volverá tum Curiam Taurinensem nullum ius habere sacerdotes no-

minandi ad cappellanias de quibus agitur ; et exinde dedu-

cit nullam esse sententiam Curiae Archiepiscopalis. Etiamsi

enim, per hypothesim, a iurepatronatus deciderit Ioannes

Gay tamen hoc ius ad compatronos transire debuit et, his

negligentibus, ad eorum filios. Sed nemo ex descendentibus

Fundatoris in iudicium vocatus est. Praeterquamquod etsi

omnes negligentes in praesentatione fuerint, illa tantum

vice ius nominandi d evolutum habetur ad Priorem et in

eius defectu vel substitutione ad Archiepiscopum, hac ta-

men ratione ut exinde ad patronum seniorem per novam

vacationem redeat.

Quoad vero secundam partem tractationis, an nempe sa-

cerdoti Bonetto competat actio contra Priorem, adnotat ora-

tor praesentem instantiam ipsum Bonetto in prima sede iu-

risdictionis praesentasse, cui nulla a Iudice super incompe-

tentiam actoris exceptio facta est. Quinimmo praedictus sa-

cerdos contra sententiam Curiae Archiepiscopalis Taurinen-

sis apud hanc Sacram Congregationem appellationem inter-