ET REDUCTIONIS ONERUM 669

•esse, tum quia si aliquis Canonicus quintum Episcopi Decretum in themate haud servaret nulla se culpa coinquinaret, sine qua censura consistere non posset; tum quia huiusmodi suspensio ab Episcopo in causa propria et lite pendente lata esset.

Haec omnia deducentes Canonici simul professi sunt, se proprium colere Episcopum, nec sine animi dolore haec dedu- cere, ut iuramento praestito facerent satis.

I URA E PISCOPI. Episcopus eundem secutus expositionis or- dinem pacato animo refellere sategit, quae a Canonicis opposita fuerant. Animadvertit itaque initio, irrationabilem dici quoque consuetudinem quae reprobata sit a iure canonico : quod alte- rum criterium ad dignoscendas irrationabiles consuetudines Ca- nonici omiserant, de quo consuli potest Ferraris Biblioth. can. v Consuetudo n. 16. Consuetudines autem contra Rubricas a iure Canonico reprobari.

Et reprobatas quoque esse in Synodo dioecesana; in ea enim praescribitur : « Pontificale, Missale, Rreviarium, Caeremo- « nia e et Rituale auctoritate Clementis VIII et Pauli V recogni- « tum mandamus observari sublatis abusibus et incongruis con- « suetudinibus quae forte temporum incuria in aliqua ecclesia « irrepserint ».

Immo Concilium Romanum anno 1725 sub Renedicto XIII celebratum c. 1, Tit. 15 haec expresse edixisse : « Episcopis di- « stricte praecipimus, ut contraria omnia quae in ecclesiis seu « saecularibus seu Regularibus (iis exceptis, qui proprio vel Ri- « tuali, vel Missali, vel Rreviario utuntur a S. Sede probato) « contra praescriptum Pontificalis Romani et Caeremonialis Epi- « scoporum, vel Rubricas Missalis, Breviarii et Ritualis irrepsisse « compererint, detestabiles tamquam abusus et corruptelas prohi- « beant, et omnino studeant removere ; quavis non obstante in- « terposita appellatione vel immemorabili allegata consuetudine, « quum non quod fit sed quod fieri debet sit attendendum ». Item in c. 4, tit. 2.

Quoad consuetudinem non canendi Tertiam quando Episco- pus pontificalia peragit eam eliminandam esse tum ex auctori- tate Caeremonialis Episcoporum lib. 2, cap. 8, tum ex auctoritate S. C. C, quae respondens die lo Octobris 1824 nonnullis po- stulatis ab Episcopo id temporis factis rescripsit : Integrum ibi erit Canonicos cathedralis ecclesiae ad id (ad canedam Ter-