MAGNO-YARADINEÑ. 6 6 Ô

praeiudicium supervenit : ea enim omnia clare adnotata con- spiciuntur, quae essent ex mediis illis in tuto ponenda.

Hisce ita praemissis, certum est trium medicorum con- clusiones in hoc, sine ulla dubitatione convenire, quod ve- renda mulieris consummationem attentatam manifestent; sed ipsam haud subsecutam esse, imo et haud consequi potuisse clarissime declarent. Externe enim maiora labia minora per- fecte tegunt; et intrinsece ex sex hymenis partibus, quinque integrae reperiuntur : unde virilis ingressus absolrta impos- sibilitas. Nulli igitur dubium quod matrimonii, de quo hic nunc quaestio, non consummatio, etiam altera probatione evidentissime demonstretur.

Si quod est desiderandum, certe est testimonium septimae manus, quod nullimode assumptum fuit. Attamen tria sunt hic quam diligenter animadvertenda, scilicet 1. quod testi- monium septimae manus, etsi absolute necessarium sit quando matrimonii non consummatio solo partium iuramento de- monstratur; tamen si non inutile, saltem supervacaneum evadit quando factum intercessit corporalis inspectionis. Quid enim, quaeso, quid probaret testimonium septimae manus contra veracitatem mulieris, quando corporalis integritas, ipsam virginem conclamat? Sapienter quidem hoc testimo- nium generatim ab Ecclesia requiritur, quia quaestio esse potest vel de vidua, vel de corrupta. At quando certo constat mulierem corporaliter virginem esse, quando eius physica integritas in tuto posita reperitur, dubitari ne poterit de nunquam consummato matrimonio, ex hoc tantum quod silent testes, et de mulieris veracitate testimonium non dicunt? Ipsa pro se testimonium dicit mulier, non quidem verbis, sed factis, et factis a peritis recognitis, et quidem tali cer- titudine, ut omni exceptione maior censenda sit. Fateor equidem, ait, corporalem inspectionem haud solidum praebere argumentum, quando vel dubius apparet status integritatis, vel ancipites haerent periti ; at quando genitales partes ita sunt dispositae intrinsecus et extrinsecus, ut virilis quicum- que congressus absolute denegari possit, praecise ut in casu,