670 EX S. C. EPISC. ET RËGUL.

At frustra ignorantiam vacationis cappellaniae probarent in casu patroni. Inverosimilis enim illa ignorantia clarissime apparet ex patronorum frequentia in locum Volverá, ubi semper patroni Priorem invisebant, a quo proinde publice et persaepe a iurepatronatus sese excussos audierunt, et nominationem cappellanorum iam esse peractam. Iamvero quando inverosimilis vacationis ignorantia ex pluribus cir- cumstantiis probatur, non amplius licet illam in medium adducere ad tempus utile sibi semper faciendum, ut exinde patroni, quo velint tempore, cappellaniae vacanti sacerdotes designent. Docet enim S. Rota: « Conclusio quod tempus currit a die notitiae, non procedit quando ignorantia est inverosimilis. (Coram Marquemantio, Lucana iurisp. 22 iunii 1611, p. HI, d. 377, n. 3J ».

Recolit praeterea advocatus sacerdotem Bonetto amicum esse affinemque patroni Ioannis G-ay; qua affinitate et ami- citia posita, intelligi nequit quomodo actor ab Archiepiscopo primum cappellaniam quaesiverit, cumque a Curia ei dene- gatum fuerit petitum beneficium, deinde ad patronum ipse confugerit. Ex hac agendi ratione, qua scilicet sacerdos Bonetto de facto in Archiepiscopum devolutum ius nomi- nandi agnovit, Prioris advocatus deducit dubitandum non esse quin patronus a suo iure deciderit, cum non propter ignorantiam, quae nequit in casu praesumi, sed ob suam negligentiam ius nominandi non exercuerit.

Demum ad secundam quaestionem animadvertit orator nullimode posse sacerdoti Bonetto actionem concedi adver- sus Priorem Capello. Etiamsi enim admitteretur quod iuxta tabulas fundationis negligens patronus ius praesentandi amit- tat absque praeiudicio successorum, certum tamen remanet, in praesenti vacatione, patronos Gay, nunc existentes, ius non exercuisse intra spatium a lege statutum; ac proinde in praesenti vacatione, nullum amplius ius possidere nomi- nandi sacerdotes. Igitur praesentatio sacerdotis Bonetto in- valida est iuridice habenda, cumque officium cappellani ei nullimode tribui possit, nullam administrationis rationem ei