PARISIEN. 671

maiores, seu metus reverentialis, ex se solo non sufficiat ad irritandum v. g. matrimonium a filiis celebratum, vel rescin- dendum alium contractum, secus tamen est dicendum, quando simul accesserunt saevitiae, vel graves minae parentum aut maiorum respectu filiorum seu subditorum, nisi obtempera- verint, vel saltem preces importunae et instantissimae ». Deinde probat primam propositionis partem de sola reverentia non sufficienti ; deinde alteram de sola reverentia sufficienti, addita saevitia vel gravibus minis parentum ; tandem ter- tiam de reverentia sufficienti, additis precibus parentum im- portunis et instantissimis, ita evincit : « Tertia tandem pars, loquens de importunis precibus (per has intelligendo non quascumque preces, sed eas solum quae sunt instantissimae saepiusque repetitae) simulque coniunctis metu reverentiali, probatur ex eo. Siquidem ex una parte eiusmodi importu- ni tas parentum vel maiorum iterum iterumque petentium, valde urget, vexat, quin et subiectos quandoque opprimit, prout desumitur ex Iudic. cap. XVI, ubi tale quid etiam ipsimet fortissimo Sam soni contigisse legitur. Unde in ex- travasanti Execrabilis Ioannis XXII § 1 notatur quod quan- doque aliqua a Romanis Pontificibus improbitas importu- na petentium, non tam obtinuisse quam extorsisse noscun- tur etc. Ubi Glossa verbo quam extorsisse inquit: « Scilicet ab invito per talem importunitatem ». Ex altera vero parte reverentia maioribus debita timorque ipsos offendendi haud leviter instat. Ergo non immerito ambae huiusmodi causae insimul coniunctae censentur efficere metum cadentem in vi- rum constantem ». Ita etiam Engel in lib. I Decretalium tit. 1, § F, n. 4, Clericatus, De matrimonio decis. 37. n. 24, D'Annibale, Summula vol. I, § 138, not. 14, Gasparri, Tra- ctatus canonicus de matr. n. 8lo, etc.

Ad secundum demonstrationis caput accedentes oratores evincere autumant Margaritam Augusto nupsisse ex metu reverentiali, nuptias irritante.

Primo ipsi animadvertunt, actricem religione et animi nobilitate ab omnibus commendari : eius depositionem sim-