LUBLINEN. SEU VARSAVIEN. 671

In Casu, de quo agitur, Parochus proprius cum cogno- visset nuptias benedictas esse a Sac. Lissowski Lublini, non proclamavit statim clandestinum fuisse matrimonium, affir- mans se licentiam vel delegationem non esse largitum; sed ut vir admodum scrupulosus in exequendis officiis parochia- libus sollicitus fuit in suggerendo ut actus copulationis con- scriberetur Irzeszczany. Nec obstat quod in Libro Matri- moniorum non inveniatur scriptum ad rem spectans, quia ex Actis constat parochum Morysinski tunc temporis gra- vissima laborasse infirmitate, et post non multos dies ex hac vita migrasse. Haec quoad primam partem depositionis Sac; Caroli Lissowski. In altera vero parte sic ait : « Lit- teras huius delegationis praesentavit mihi probabiliter Gniaz- dowski, cui etiam reddidi ». Per hanc singularem deposi- tionem, quid in mente habuerit praefatus sacerdos non quae- ro : de internis Ecclesia non iudicat ; manet tamen, quod ob hanc singularem depositionem Actores putant posse de- monstrare nullitatem matrimonii quia non extat, vel non proditur documentum scriptum huius delegationis. Sed cum non sit necessaria delegatio in scriptis concessa ; et ex alia parte apertissima sint verba : « Delegationem ad benedicen- das nuptias a parocho Morysinski habui in forma consue- ta » incassum, mihi videtur laborare Actores ad probandam nullitatem sui matrimonii ex clandestinate; et bene se ha- bere Curia Varsaviens. quando argumentatur : « Attento quod, utcumque sit, ex una parte habetur propemodum cer- titudo iuridica de concessa legitima delegatione, ex altera vero parte argumenta ad demonstrandum delegationis defe- ctum suppeditata, nequeunt haberi pro sufficientibus ad ef- formandam persuasionem, Carolum Lissowski facultate ad benedicendas coniugum Gniazdowsciorum nuptias destitutum fuisse; his igitur attentis etc. etc. ».

Quae cum ita sint, E E . et R R . Patres sub sapientis- sima censura Vestrum, et salvo meliori iudicio, putarem in Casu de quo agitur : Non constare de nullitate matri- monii.