672 LUBLINEN. SEU VARSAVIEN.

ANIMADVERSIONES DEFENSORIS MATRIMONII EX OFFICIO. An-

no 1883, Februarii die 2 Antonius Gniazdowski in aetate annorum 34 constitutus, et Ioanna Ciechano wska, 18 annos nata, ambo e paroecia Trzeszczanensi matrimonium inter se contraxerunt Lublini in parochia a Spiritu Sancto nun- cupata coram Sacerdote Carolo Lissowski, qui eo temporis parochiam vulgo Batoz regebat.

Nuptiae malum exitum habuerunt ; post triennalem co- habitationem coniuges dissociati sunt, 'et die 30 Aprilis 1889 de nullitate matrimonii agi coeptum est, sub praetextu quod memoratus Carolus Lissowski matrimonio interfuerit, po- testate a proprio nupturientium parocho minime auctus.

Ad litem ansam praebuit factum quod in promptu haud sit testimonium licentiae a nupturientium parocho imperti- tae. Huiuscemodi testimonii defectui innixa curia lublinen- sis matrimonium irritum declaravit, sed Varsaviae iudex die 17 Decembris 1892 cassavit lublinensem sententiam.

Nec momento temporis dubito quin Varsaviensi senten- tiae album calculum additurus sit Amplissimus Vester Con- sessus. Do etenim non praesto esse concessae licentiae te- stimonium, sed et mihi dandum est in probatis haud esse eam licentiam exulasse.

Quocirca intrat principium, firmatum in Acpuen. seu Mas- silien, matrim, diei 9 Augusti 1890, nempe quod onus pro- bandi non sacerdoti, qui nupturientium matrimonialem con- sensum excepit, sed coniugibus, qui licentiam intercessisse negant, incumbit. Coniuges enim et quicumque alius, ex- cepto parodio nupturientium, si asserant licentiam haud intercessisse, minime audiuntur, ceu recte advertit eximius consultor theologus nisi id ad iuris amussim probent.

Quae cum ita se habeant, matrimonium est in vado. Ad abundantiam tamen dicam largitae licentiae demonstra- tionem et sacerdotis Lissowski, qui licentiae documentum Antonio Gniazdowski restituit, fidem terque quaterque bo- nam ex iudicialibus inquisitionis tabulis satis lucescere.

Quocirca causae comperendinationem a qua non abhor-