ET 'REDUCTIONIS ONERUM 673

huius causae dubium quod spectat, in quo de gratia concedenda agitur quam Canonici aliis precibus postularunt; de exemptione videlicet celebrationis Missarum de Feria vel de Vigiliis, nec non de facultate dicendi Missam conventualem privatim quibusdam in casibus; adducebant Canonici tamquam causas imminutionem reddituum, qui essent ad medietatem redacti postquam civile Gubernium eorundem bona publico aerario addixisset: numerum Canonicorum ad duodecim redactum, quum prius essent qua- tuordecim; imo, indultariis non computatis, novem tantum in praesentia esse qui choro inservirent.

Testabantur praeterea, quamquam id non probarent, Missas de Vigiliis et Feriis antiquitus celebratas ab eo Capitulo non fuisse, eamque obligationem incepisse anno 1633 ex peculiari Episcopi Decreto: immo post illud tempus nec constare, an Missae de Feria in Quadragesima fuissent celebratae; quum in libris in quibus Missae de Feriis adnotarentur, de huiusmodi nec apex ne vola reperiretur.

Episcopus, precibus Canonicorum non adversatus, adnotabat tamen redditus annuos pro unoquoque Canonico pertingere ad libellas 500: neque sibi videri grave onus legendi Missas de Fe- ria et Vigiliis praeter aliam de Festo cantatam quibusdam anni diebus.

QUAE EX OFFICIO SUNT IN CONTRARIUM ANIMADVERSA. In ge-

nere recoleb atur Decretum Honorii III in cap. Cum creatura, de Celebrat. Miss, ubi sancitum extat: « Mandamus quatenus nullum in vos tor por em negligentiae obrepere permittatis, quominus et pro anniversariis defunctorum et pro festo vel feria secundum tem- porum congruentiam Missarum solemnia conventualiter celebretis. Hunc textum, quem diversimode explanarunt veteres Iuriscon- sulti, interpretatum esse Fagnanum, illud reducentem ad Rubri- cas Missalis; Fagnanus in cap. Cum creatura n. 22 et seq.

Immo postea Benedictum XIV in Constit. Cum semper obla- tas, haec iterum inculcasse: « Non modo ecclesiis Patriarchalibus, Metropolitanis, Cathedralibus et Collegiatis iniunctum reperitur, ut quotidie Missa Conventualis in eisdem canatur, sed etiam in Rubricis generalibus, quarum exactissimam Fraternitatibus Vestris custodiam commendamus, praescribitur, ut certis diebus non una, sed binae atque etiam aliquando tres Missae conventuales uno die celebrentur. »

Acta, tomo V, fase. LXII. 43