PARISIEN. 673

bratum. Erat timida et obsequentissima erga parentes, uti testificantur quamplures.

Haec puella, observant oratores, adeo timida et obsequens erga matrem, praevidens matrem perstituram esse in exi- gendo matrimonio, nuptias subiit ne matrem offenderet, neve eidem displiceret.

Ex demonstratis, sustinent advocati, patere matrimonium fuisse revera contractum ex metu reverentiali, cum iis cir- cumstantiis, quae metum reddunt impedimentum dirimens matrimonium. Atque hoc apodicticum argumentum confir- mant ex his quae omnes testes affirmant, scilicet, matrem coegisse filiam ad hoc matrimonium; nec filiam fuisse un- quam has nuptias inituram sine hac materna coactione.

Allata argumenta volunt advocati invicte confirmari, si pacata mente circumstantiae praecedentes, concomitantes, subsequentes matrimonium attendantur. Ante matrimonium enim Margarita dedit non dubia signa suae aversionis contra Augustum.

In ipsa caeremonia celebrationis matrimonii, observant patroni, signa extraordinaria moestitiae et contrarietatis non defuisse. Neque post matrimonium, dicunt Margaritae ora- tores, haec contrarietatis signa cessavisse.

ANIMADVERSIONES VINDICIS SACRI VINCULI. Vinculi autem defensor ex adverso animadvertere incipit, quomodo ne unus quidem testium a studio partis immunis sit, et a iudice so- lummodo, ex actricis parte, testes excussi sint. Quapropter, iis in adiunctis, veritas ex proprio fonte quasi aqua non erumpit, sed vinculi defensor coactus est eam colligere ex illis narratiunculis adversus matrimonium, impenso compo- sitis studio, a quibus illae tantum veritates se produnt, quae nulla prorsus ratione celari possunt, aut praeter, imo contra testium intentionem, furtive ab ipsorum ore excidunt.

Certum ante omnia est, ait defensor, matrimonium inter Margaritam et Augustum, initum esse ritu solemni atque magna comitante caterva, et tum Margaritam in aetate se- ptemdecim annorum fuisse iam constitutam, ac ad delibe-

Acta, Tom. XXVIII, fase. CCCXXXV. 43