674 DECRETORUM EPISCOPALIUM

Haec autem Sacrorum Rituum Decreta tunc limitationem admittere, quando ex lege fundationis constet de qualitate ser- vitii ecclesiae et de Missarum numero ceu tradit Monacell. Form. supplem ad t. 1 n. 234.

Neque audiendos videri Canonicos quoad alterum postulatum, ut diebus, quibus vel ex aliquo legato pio vel ex voluntate ali- cuius specialis Benefactoris, deberent Missam cum cantu appli- care, eis liceret hanc eandem Missam pro Conventuali habere, remissa celebratione et applicatione Missae Conventualis Cano- nico de turno privatim celebrandae: commemoratis enim pluribus S. C. Resolutionibus praescribentibus quotidie esse Missam Con- ventualem in choro celebrandam quin excusaret tenuitas reddi- tuum, animadversum est, in themate Canonicos, si onus alterius Missae aliquoties haberent, habere quoque eiusdem oneris emo- lumentum.

Nihilominus pro Canonicis adnotatum est Constitutionem Cum semper oblatas, §. 18 considerare casum tenuitatis reddituum; qui si tales fuerint, ut, subtracta eleemosyna Missae Conventua- lis, spernendi essent cum detrimento divini cultus; et e con- verso neque media suppeterent augendi Praebendarum redditus iuxta dispositionem Trid. Concilii sess. 24 c. 15; reliquum esse ad S. C. C. recursum habere, ut ad festos tantum dies Missa Conventualis reducatur: idque cum praxi S. C. C. cohaerere.

Quum itaque in themate ageretur de Canonicis quorum red- ditus ad medietatem fere essent redacti, quum accederet con- ditio praesentis civilis societatis ob quam pretia rerum aucta vehementer sint, aequum videri ut imminuerentur quoque aliqua ratione Missarum conventualium onera.

His aliisque deductis proposita sunt resolvenda

D u b i a

I. « A n Decreta Episcopi in sacra Visitatione lata sustinean- « tur in casu. »

II. « An et quomodo annuendum sit precibus Canonicorum « in casu. »

R ESOLUTIO. S. Congregatio Concilii causa cognita die 9 Iulii 1870 respondere censuit:

Ad I. Affirmative.