674 TRIDENTINA

Per idem testamentum, prosequitur Praesul, instituit stipendium pro iuvene qui studiorum curriculo incumberet, hac adiecta conditione, ut quidquid huic obiecto superesset ex reditibus bonorum suorum, cederet pro celebratione Mis- sarum favore eiusdem fundatoris, eiusque consanguineorum decessorum. Quoniam vero per plures annos hae missae haud applicatae fuerunt, non obstantibus protestationibus ex parte parochorum e Male et Livo; nihilque ab administratione ob- tineri potuit ; ideo Ordinariatus, viginti ab hinc annis pro- posuit, ut ex fundis pro stipendio studiorum traderentur be- nefìcio florem 4530; per quam praestationem, semel factam fundus liberaretur ab onere missarum, quas testator eidem imposuerat. Sacra C C. die 21 Iunii 1888 potestatem fe- cit Episcopo excipiendi hanc vim pecuniae: quae reapse a fundo pro stipendio tradita fuit. Qua de re nunc beneficium habet dotem 8000 iiorenorum. Quum ex dictis, beneficio in- cumbat onus sex missarum in hebdomada in Ecclesia e Ma- le; sic istius parochus expetit ut una ex sex missis litare- tur in dicta Ecclesia omnibus diebus festis hora octava in commodum fidelium. Huic tamen oneri se subiicere renuit presbyter qui ius habet ad hoc beneficium. Ex quo tamen beneficium duplicaverit reditus ex dicta transactione, et bo- num spirituale fidelium id exposcat, Episcopus expetit fa- cultatem tale onus imponendi praedicto beneficio.

Disceptatio Synoptica

Novi oneris impositioni in primis obstare forsan pos- set notissima rubrica tituli 12, lib. 3 Decretalium: « ut ecclesiastica beneficia sine diminutione conferantur : > quae, attenta oppositione eligendi beneficiarii, vim suam magis in themate videretur exerere. Agitur enim de presbytero, qui ius habet ad investitionem huius beneficii et cui proinde privilegia a iure canonico patronis tributa favere possent. Verum equidem est beneficii reditus haud mediocre incre- mentum recenter suscepisse; sed recolere praestat ex funda- toris voluntate, id quod, persoluta pensione, superest in mis-