i ET REDUCTIONIS ONERUM 675

Ad II. Negative quoad primum postulatum; affirmative quoad secundum, dummodo haec Missa lecta celebretur in Cathedrali, ad decennium facto verbo cum SS.mo.

EX QUIBUS INTER CETERA COLLIGES:

I. Generatim consuetudines, quae Rubricarum praescripto adversentur, inter abusus facile recenseri.

II. Quo enim facilius hisce in rebus invalescere possunt contrarii diversique usus contra conformem universalemque di- sciplinam, eo facilius inter abusus sunt recensendi (1).

III. Eadem fere esse dicenda in iis, quae respiciant leges universales quae chori servitium moderantur obligationesque Canonicorum determinant.

IV. Hinc usus invecti contra universales leges sive residen- tiae, sive praesentiae debitae dum divina persolvuntur officia, si in iudicium deducantur, difficile saltem sustinentur (2).

V. Solius autem Episcopi esse quin consensus aut consi- lium Capituli requiratur, abusus prudenter corrigere, qui lapsu temporis invecti fuerint, ut Rubricae et ss. canones in obser- vantiam revocentur, additis etiam contra reluctantes canonicis poenis.

VI. Colliges praeterea in potestate Episcopi esse in solem- nioribus Processionibus cogere omnem Clerum ut Processioni interveniat (3).

(1) Externus splendor et dignitas sacrorum rituum in latina ecclesia magna ex parte consistit in confer-* mitate observantiae; possent enim fa- cile excogitara ritus, quii videantur etiam meliores nobilioresque quam illi in Rubricis praescripti; sed sublata conformi observantia, eo ipso tandem cessaret splendor ille externus, qui ex universali conformitate, tamquam ex praecipua causa, dérivât. Hinc san- ctiones quae uti corruptelas prohibent contrarias consuetudines. Hic tamen

generalis rerum conceptus non impe- dit quominus dari possint contrariae consuetudines rationabiles, sed efficit, ut consuetudines ut rationabiles non sint habendae, nisi habeantur graves causae* quae earundem rationabilitas tem ostendant. Cf. quae adnotavi in vol. III. pag. 236.

ß) Confer causam, quam exposui in Vol. I'pag. 65.

(3) Confer; causam in hoc Vol. pag. 413 > et,. seqq.: Quoad Missas de Requie vide quae exposui in Vol. I p, 42 et seq