TRIDENTINA 675

-saram augmentum impendi debere. Unde etiam eruitur, eam fuisse mentem defuncti parochi Marinelli, ut potius quam popu- li commoditati, animae suae, consanguineorumque suorum suf- fragio provideretur. Quae adeo perspicue apparent, ut ipse Epi- scopus anno 1888 petens a S. Congregatione, ut compos fieret et ad accipiendam oblatam -a gubernio pecuniam eamque adden- dam doti beneficiali, haec scribebat : benefìciatum onerari posse quodam Missarum numero; quae litarentur ad mentem funda- toris ». Et quamvis S. C. rem omnem arbitrio et conscientiae Episcopi cum omnibus facultatibus necessariis et opportunis remiserit, tamen praesumendum est ideo affirmative rescri- psisse quia petitio voluntati testatoris apprime consona vide- batur. Quare modo novis precibus duo obstarent, ne volitum scilicet minuatur suffragium contra dispositionem Textus in can. ultima voluntas 13, quaest. 2, et praeter intentionem S. C. C. extendatur ab una re ad aliam, eius gratia; Corra- dus in Praxi disp. apost. lib. 1, cap. 5, n. 4.

Nihilominus animadvertendum etiam est, novum non esse quod pia testatorum voluntas commutetur, ubi pro re- rum adiunctis maior adsit utilitas, vel iustae causae urge- ant, ut millies S. C. C. ad tramites S. Tridentinae Syno- di Sess. 22J cap. 6, De reform, resolvit. Inter huiusmodi vero causas profecto recensenda est publica necessitas, ut docent Pitonius De controv. patron, allegat. 50, tom. 1, et Pignatelli Consult. 148, n. 4, tom. 4, etc. Praeterea S. C. C. saepe pro idonea commutandae voluntatis causa accepit populi utilitatem ceu videre est in Perusina 12 Maii 1764, in Piacentina Commutationis et translationis oneris, 21 Iunii 1794, etc. Porro in themate, cum Episco- pus optime informatus de spiritualibus suae plebis indigen- tiis censendus sit, in dubium revocari non posset commuta- tionem voluntatis a fidelium bono exigi.

Neque oppositio eligendi beneficiarii in pretio habenda videretur, cum ea omnino irrationabilis appareat. Si enim commodum ex aucta dotatione beneficii persentit, aequum est ut et aliquod incommodum perferat. Imo si perpendatur,