676 EX S. G. CONCILII

stitia sententiae adversus matrimonium ab ipso editae. Ideo- que orator testamentum petit, quo patruus dicit tutor An- nae a patre datus. Et testamentum illud actis in primis, inserendum est, quia, prosequitur, matrimonii nullitas de- cerni non licet, nisi certa sit, ceu planum est, tutoris con- stitutio, cui nullitas matrimonii inniteretur. Deinde, addit videndum est an decreto iudicis constet tutorem recte da- tum esse. Videndum postremo est an patruus datus sit t u - tor principaliter personae, seu potius ad expedienda negotia, v. g. paternam haereditatem ab ipso aditam, ad res for- tasse in Brasilia sitas vel ad alia huiusmodi. Nam lege 15 ff. de testam. tutel. cavetur: '« Si tamen tutor detur rei africanae vel syriacae, utilis datio est. Hoc enim iure utimur ».

Aliquid adsimile contigisse in praesenti causa liquet vel ex quo pacificum est, ait orator, actum civilem expletum fuisse absque saepedicti patrui consensu, quamvis gallicae leges districte vetent actum illum, quem per summam in- iuriam vocant matrimonium civile, absolvi sine consensu parentum aliorumve vicem eorum gerentium ; cum res est prouti in praesenti, de minorennibus. Nec putandum est, inquit, nisi argumentis idoneis demonstretur, municipii prae- sidem ignorasse aut spernere ausum fuisse legem lippis et tonsoribus notam et communitam severis poenis contra trans- gressores.

Sed fìnge paulisper, pergit vinculi defensor, datum fuisse tutorem absolute, non tam rebus quam pupillae An- nae personae ; non tamen exinde consequitur apud tutorem translatum esse in Statu Brasilii domicilium necessarium pupillae. Scitissimum namque est tutelam et educationem inter se diversas esse, ut advertit Rota in decis. 271, n. 9, joart. S recent. Pupillis enim pater tutorem dat quemcum- que etiam extraneum : ubi autem iidem degere debeant, praeses provinciae decernit auditis proximioribus, uti pro- batur ex leg. 1 Cod., Ubi jpupil. etc. et ex leg. 2 C. eod. tit.: Utrum nepos.