678 EX S. G. CONCILII

gravissimum : duellantes enim eorumque complices nedum sunt perpetuo infames iuxta Trid. Conc. (Sess. 25, cap. 19, de Refor.) sed etiam incurrunt excommunicationem R. P. reservatam, et sepultura ecclesiastica privantur. Neminem profecto latent Constitutiones Pontificiae ad haec crimina reprimenda editae, quales sunt Gregorii XIII Ad tollendum, Clementis VIII Illius vices, Benedicti XIV Detestabilem, necnon Leonis XIII Pastoralis officii.

Quin obiiciatur quod hae poenae applicari tantum de- beant duellis stricte sumptis, in quibus nempe adhibentur arma lethalia, et adsit mortis periculum, non autem duel- lis quae geruntur in Germania inter Universitatum ephebos in quibus haec extrema exulant; siquidem haec aequiparata sunt quoad s. ordinationem, uti eruitur ex resolutione Sacrae C. C. in Wratislavien. - Irregularitatis, diei 9 aug. 1890,. in qua ad dubium : « An, a quibus et ex quonam titulo ir- regularitas contrahatur quando duellum ea ratione commit- titur* qua his temporibus inter Germaniae Universitatis alu- mnos fieri solet in casu », responsum fuit: « Affirmative a duellantibus eorumque patrinis ex infamia iuris». (Cfr. Acta S. Sedis, vol. XXIII, ,p. 234).

Praeterea orator in ore adhuc retinet patratorum cri- minum signa, quae quamvis tam gravia non sint « ut de- formitatem corporis efficiant vel populus iis scandalizetur >>; tamen propter criminosam suam originem quandam admi- rationem in populo semper excitant.

Nec praetereundum est iuvenem Molitor pluries praefati criminis reum existere. Et quamvis auctores inter se non conveniant in statuendo utrum quis plures irregularitates eiusdem speciei incurrat ex iisdem repetitis criminibus (Lega De iudic, eccl., tom. III, pag. 298), tamen non videtur am- bigendum, quod haec circumstantia difficiliorem gratiae con- cessionem reddat.