PARISIEN. 679

Nec dissimilis est animi resolutio ex parte viri, qui af- firmat: « Aujourd'hui toute réconciliation est impossible ; je suis rémarié civilement ». Et Curia Parisiensis testatur: « Adsunt insuper causae gravissimae dispensationis, praeser- tim in separatione absoluta a pluribus annis, et in novo matrimonio mere civili a viro contracto a pluribus etiam annis ». Re vera, ait patronus, si timor futuri scandali ob periculum fornicationis, ceu docent Sánchez De matrim, lib. 1, disp. 16, n. 3; Menochius Praes. 10, I. 2, n. 42, aliique permulti Canonistae, iusta causa est concedendae dispensationis, eo magis erit tribuenda in nostro casu, in quo nedum agitur de timore spiritualis damni futuri, sed de removendo ab oculis fidelium scandalo adulterii propter aliud connubium ab Henrico civiliter tantum initum, ex quo spurii nati sunt filii, infamiae nota miserrime inusti. Exinde T. mater quammaxime exoptat, ut hoc dispensatio- nis remedio conscientiae filii eiusque proli illegitimae pro- videatur, subiungens: « J'ajouterai que je serais heureuse de voir mon fils recouvrer sa liberté de conscience à fin de contracter religieusement le mariage qu'il a contracté civilement ».

Ultimam tamen dispensationis causam reponit in pro- ximo actricis incontinentiae periculo. Agitur enim de puella, in aetate fiorenti, vitae coniugalis cupida, cui dispensationis remedio, nisi subveniatur, cogeretur invita servare conti- nentiam, quae in iuvenibus difficilis apparet, vel exponere- tur periculo turpis concubinatus coram lege civili, et veri adulterii in facie Ecclesiae, prout nunc est de viro miser- rime lugendum.

ANIMADVERSIONES DEFENSORIS s. VINCULI. Altera ex parte vinculi Defensor, praemissa prolixa expositione factorum, contendit non satis constare de morali certitudine matrimonii inconsummationis. Et in primis notat non suffragari testi- monium coniugum ; quandoquidem eorumdem iuratae atte- stationes concordes non sunt.

Sane Henricus iurat : « J'ai demandé (prima a nuptiis