FRIBURGEN. 679

Rationes favorabiles

Ex altera vero parte subiiciendam est, quod quamvis mos vigens in Germania huiusmodi duella peragendi sit o- mnino reprobandus, tamen si quis huius criminis reus ad meliorem frugem postea reversus militiae ecclesiasticae dare nomen cupiat, ex benignitate ecclesiae iustis de causis ab hoc impedimento cum ipso dispensari solet, uti ex praxi H. S. Congregationis liquet. Causae autem iustae et con- gruae in themate ad gratiam Oratori elargiendam deesse non videntur. Et inprimis, uti Archiepiscopus testatur, duella commisit orator, non ex quadam animi feritate et perver- sitate, sed potius secutus morem quamvis damnandum alio- rum condiscipulorum ; eoque magis quod eiusmodi duella in studiosorum opinione censentur tamquam palaestra ad vires ostendendas destinata.

Deinde Orator monitus de criminis gravitate, a studio- sorum corporationibus in quibus praefata duella peragi so- lent penitus recessit, errata sua deflevit et indubia dedit poenitentiae signa.

Neque est timendum ex gratiae concessione scandalum et admirationem inter fideles exoriri ; siquidem, ut ait Epi- scopus ^Vratislaviensis in supracitata causa « duellum, uti hisce temporibus inter Universitatis studiosos committitur, ludus potius temerarius vitaeque perieulo carens quam res magni momenti existimatur ».

Demum Oratoris voto annuendum videtur nedum ob prae- claras ipsius qualitates sive quoad scientiam sive quoad mores, sed etiam ob defectum sacerdotum in dioecesi Fri- burgensi, et ob favorabile Archiepiscopi testimonium, qui una simul cum oratore dispensationem implorat « cum Ar- chidioecesis Friburgensis adhuc penuria sacerdotum laboret et studiosus praenominatus quoad mores et scientiam laude dignus sit ».