680 GERUNDEN.

haud requiritur, si eleemosyna colligatur in Dioecesi, in qua conventus non existunt.

Hisce omnibus Episcopus addit , quod in sua Dioecesi, praeter quaestuas fixas, quae in omnibus ecclesiis parochia- libus fiunt, favore operis Obolo di s. Pietro, pro necessita- tibus Locorum Sanctorum et pro sublevandis, qui in Africa dira servitute opprimuntur, extant duo conventus Religio- sorum Capuccinorum, decem Religiosarum, nec non Colle- gium a charitate nuncupatum. Qui quidem Religiosi ac Re- ligiosae horum duodecim conventuum ac praefatum Colle- gium, sive per se, sive per alios, frequentissime Dioecesim perlustrant, eleemosynas petendo.

Ne itaque detrimentum afferatur memoratis quaestuis, ac ne tot Religiosi ac Religiosae eleemosynis pro sua susten- tatione priventur, Episcopus aequum et iustum esse autu- mat, quod Minores Observantes impediantur, quominus elee- mosynas in sua Dioecesi colligant, nisi aliqua specialis ratio contrarium suadeat.

IURA MINORUM OBSERVANTIUM. E contra p. Procurator Generalis sustinet cuilibet ordinis Provinciali ius inesse de- legandi proprios religiosos, ut in singulis Dioecesibus intra confinia suae provinciae existentibus eleemosynas quaeritant, ipsosque Religiosos absque Ordinariorum licentia, imo, iisdem Ordinariis contradicentibus, libere quaestuare posse.

Verum, antequam rationes adducat, quae huiusmodi ius evincant, perpendit in compertis esse 1. designationem li- mitum cuiuslibet provinciae vel conventus ad ordinis Supe- riores pertinere, et ab ipsis peractam iugiter fuisse absque ulla Ordinariorum interventione, consensu, reclamatione aut querela; 2. Provinciam, de qua agitur, quemadmodum ante suppressionem a Gubernio decretam, totam Catalauniam re- gionem et ideo Dioecesim gerundensem intra suos limites comprehendisse, ita post restaurationem, servasse et in prae- sentiarum sarta tecta tueri eandem divisionem, nec non iura omnia et privilegia, quae ad ipsam provinciam spectabant, antequam conventus suppressionis legi subicerentur.