680 EX S. C. EP. ET REGUL.

rium laesivum derivantium ex conventione inita inter Epi- scopum et Ordinem praelatorum Regularium an. 1878 et a S. Congr. EE. et R R . approbata eodem anno, per suum Abbatem Generalem recursum ad eandem S. Congr. obtule- runt, et quaestione discussa in Generalibus Comitiis diei 9 Martii 1894 sub dubio - An decretum Episcopale diei 18 Iu- nii 1891 sustineatur in casu - Emi Patres rescripserunt: Negative (1) . Quae decisio confirmata fuit etiam in Congr. Plenaria diei 24 Augusti eiusdem anni.

Hac edita decisione, Abbas Generalis Canonicorum Reg. Lateranensium illico instetit apud Episcopum circa modum practicum ipsam exequendi, interim petens ut Canonici Re- gulares Lateranenses in Mattineuria existentes ad faculta- tem confessiones audiendi et praedicandi rehabilitaren tur.

Cum petitioni obstitisset Episcopus Abbas Generalis rem exposuit S. Cong. per oblatum libellum, in quo dum decla- rabat, pro nunc nuntium mittere possessioni paroeciae de Mat- tineuria stante obice ex parte Gubernii et Municipii localis, urgebat tamen petitam redintegrationem facultatis qua, ipse aiebat, sui religiosi iniuste privati erant.

E contra Episcopus in suis uteris responsi vis S. Congre- gationi sub die 25 Martii 1895, praemisso quod reservatio regressus ex parte religiosorum ad paroeciam de Mattineuria erat modus perpetrandi in ipsa perturbationem acriter, con- tendebat expostulatam redintegrationem neque in iure neque in facto admitti posse. Non in iure quia facultas concessa Canonicis Regularibus Lateranensibus excipiendi confessiones et praedicandi fuit dependenter a munere parochiali, cum data fuerit nullo praevio examine et per simplicem appro- bationem ad paroeciam ; ideoque praefato munere cessante, etiam adnexa facultas cessavit. Non in facto, quia si cano- nici Regulares Lateranenses rehabilitarentur, totis viribus eniterentur ad recuperandam paroeciam conciliando favo- rem aversi sibi populi et ita scandala et iurgia exoriri pos- sunt stante Municipii et Gubernii oppositione.

(1) Haec causa relata et tractata fuit Vol. X X V I pag. 624.