682

AVERSANA

COMMUTATIONIS V O L U N T A T I S

Die 15 Ianuarii 1890.

Per Summaria precum.

COMPENDIUM F A C T I . Nicolaus Beneduce testamento anni 1 8 5 5 haeredem universalem uxorem suam Saveriam Ucciero in- stituit, sub lege ut ex reditibus unius fundi quotidiana missa celebraretur ad altare B. M. V. in paroecia loci Pantano; ex reliquis honestam substentationem vidua desumeret: post eius mortem vero, aut si ea ad secundas nuptias transiret, bona universa Parocho devolverentur et in missarum lega- tum constituerentur.

Porro Saveria Ucciero actu mortis universalem haeredem nuncupavit fratrem suum Nicolaum; qui per aliquot annos plures quidem missas celebrandas curavit; at bona haeredi- taria Nicolai Beneduce, quae parocho in legati constitutio- nem iuxta eiusdem Nicolai praescriptum erant tradenda, nullo modo cessit.

Post eius mortem per aliquot tempus unus ex filiis, qui sacerdos est, bis in hebdomada missam celebrare consuevit eorumdem in onerum satisfactionem.

Modo vero hic cum ceteris fratribus ac mater supplex adest, ac rogant ut rustica bona Nicolai Beneduce sibi con- servare possint exhibita 1 0 , 0 0 0 libellarum summa, quam ratis portionibus Episcopo brevi manu soluturam spondent.

Parochus ad rem rogatus nihil habet quod excipiat. Epi- scopus autem postquam, examine rite facto, collegerit, quod cuncta bona relicta Ecclesiae a Beneduce ascendunt ad li- bellas 1 8 , 2 0 0 , quarum reditus esse potest de lib. 1 0 0 0 , cen- suit gratiam expetitam esse concedendam : oratores enim aliis bonis stabilibus non fruuntur, et ideo, his sublatis aut amissis, arcte viverent.