AVERSANA 683

Disceptat io Syiioptica.

Ex una parte contra preces militat damnum ecclesiae et piae voluntatis defraudatio: ferme enim dimidium bonorum a praescripto fine seu a celebratione missarum abstraheretur, et in subsidium familiae, ne consanguineae quidem fundatoris concederetur; quod non videtur aequum, ceu nota iura, in can. 4 Ultima voluntas caus. 3 q. 2 et Clem. V Quia con- tingit De relig, dom., aliaque alte proclamant.

Insuper oratores indigerent apostolica venia ad bona Be- neduce retinenda, et opus quoque haberent absolutione quoad praeteritum, ob tot missarum celebrandarum omissionem: et tamen quoad hoc ne verbum quidem adest in precibus.

At vicissim, oratores si non sunt sanguine iuncti cum Nicolao Beneduce, proximi tamen consanguinei sunt eius uxori, cui ille universa bona quasi haereditatem fideicom- missariam, concessit; et cui insuper, ceu videtur, alienatio- nem bonorum et imminutionem sortis non prohibuit. Qua- propter si integer adhuc est haereditarius axis Nicolai Be- neduce, id merito repetendum est a Saveria Ucciero eiusque familia, et in titulum gratiae allegari non dedecet.

Ulterius familia Ucciero relate ad legatum Beneduce pa- trona putari potest. Atqui patrono egenti subsidia denegari non solent, imo de iure ei tribuuntur; hinc etiam oratori- bus, qui bonis Beneduce expoliati pauperes certo forent, haec gratia, quae subsidii rationem habere videtur, concedenda esset. Aliunde durum esset summum ius ab eis exigere, eosque omnibus bonis privare.

Quibus animadversis, quaesitum fuit quomodo preces essent dimittendae.

R E S O L U T I O . Sacra C. Concilii, re visa sub die 25 Ianuarii, censuit esse respondendum : Praevia absolutione quoad prae- teritum, celebrato aliquo numero Missarum, pro gratia exonerationis, solutis, brevi manu, tribus annuis ratis, li- bellis decem millibus, caute et utiliter ab Ordinario inve- stiendis favore causae piae, facto verbo cum SSmo.