684 EX SECRETARIA BREVIUM

templum modo absolutum et structura praenobile sedes est, tum operis piacularium precum peregrinationum memoratarum, tum piae Associationis, canonice ibi institutae pro suffragiis rite ferendis animabus fidelium defunctorum ex Ecclesiis tum Orien- tis, cum Occidentis, quae purgatorio in igne detineantur. Iamvero quum ipse Praepositus Generalis Augustinianorum ab Assum- ptione enixas Nobis humiliter preces adhibuerit et Indulgentias, singulis annis, vi supradictarum litterarum Nostrarum, iis pere- grinationibus concessas in perpetuum elargiri nonnullaque ad- dere privilegia de benignitate apostolica velimus, Nos ut tam, frugiferae pietatis opera maiora, favente Domino, suscipiant incre- menta, et praesertim preces quae dictorum Operum cura pro Ecclesiarum Unione ad Deum iuxta mentem Nostram effun- duntur uberiori fiant cum animarum fructu, piis his votis an- nuendum propensa voluntate existimavimus. Itaque tam reli- giosos patres ab Assumptione, quibus earumdem peregrinatio- num regimen est demandatum, quam fideles qui in exercitium pietatis, obedientiae, mortificationis, et abnegationis sui ipsius, simulque in spiritu charitatis et precum, idem iter suscipiant, peculiari benevolentia complecti volentes et a quibusvis excom- municationis et interdicti aliisque ecclesiasticis sententiis, cen- suris et poenis quovis modo vel quavis de causa latis, si quas forte incurrerint, huius tantum rei gratia absolventes et abso- lutos fore censentes, Apostolica nostra auctoritate praesentium tenore, ad nutum Sedis Apostolicae, haec quae infrascripta sunt concedimus atque indulgemus. Nimirum omnibus et singulis fidelibus qui nunc et in posterum quolibet anno expiatoriam huiusmodi peregrinationem susceperint, et in ipso itineris in- gressu Moderatori pro tempore debitam obedientiam professi sint, plenariam concedimus indulgentiam pro die discessus, ac pro die ab unoquoque eligendo durante peregrinatione : dum- modo rite confessi sacraque Communione refecti aliquamdiu iuxta Romani Pontificis mentem orent pro extirpatione haere- sum, sanctaeque Ecclesiae necessitatibus et exaltatione. Has vero conditiones adiectas volumus aliis omnibus plenariis in- dulgentiis infra concedendis, quas universas in suffragium etiam converti posse permittimus fidelium omnium, qui pie ex hac vita excesserunt. Illis autem qui domi detenti per alios a se missos, vel per eleemosynas, vel in alio modo suffragati fue- runt cuilibet e peregrinantibus memoratis, et illis etiam qui