quaeque perdurat ad beneplacitum proprii praelati.

Porro non Episcopi quicumque, sed titulares tantum huius Capitis suspensionem incurrunt. Episcopi titulares autem ii sunt, qui dantur Episcopi Ecclesiis sitis in partibus infidelium, quae neque populum christianum, neque Clerum habent. Ferraris Voc. Episcopus Cap. VII, n. 23. Qua de causa hanc suspen- sionem non incurrerent Episcopi iurisdictionem episcopalem haben- tes in determinata Dioecesi.

Hi tamen si alienum subditum absque expresso consensu sui Epi- scopi ordinarent incurrerent suspen- sionem sub n. 3 positam inter su- spensiones Romano Pontifici reser- vatas. Atque si Clericos ordinarent in aliena Dioecesi absque consensu ordinarii illius loci suspensionem simul incurrerent latam a Tridenti- nis Patribus Sess. VI, Cap. V, de Reform., de qua supra egimus. Nulla autem ratione his titulari- bus Episcopis conceditur alienum subditum ordinare, si excipiatur expressus consensus, aut literae dimissoriae Episcopi subditi illius qui ordinandus est; ita ut exinde inlelligamus minime sufficere con- sensum tacitum, et multo minus praesumptum.

Qua de causa si Episcopus titu- laris sit Canonicus alicuius cathe- dralis, nullo pacto posset sine ex.. pressi Episcopi consensu illius Dioe- cesis subditos ordinare.

Neque eum ab suspensione exi-

445

meret sive privilegium pro tem- pore ei concessum ordinandi quos- libet ad se venientes; id enim di- sertis verbis a Patribus Tridentinis excluditur.

Neque praetextus familiaritatis aut continuae commensalitatis ; et- enim praeterquamquod id expresse prohibetur, episcopus qui Dioece- sim habet, non potest iuxta Concil. Trid. Sess. 23, Cap. 11 de Reform, alienum ordinare subditum fami- liarem suum, et nisi per triennium cum eo commoratus fuerit, et nisi beneficium quacumque fraude ces- sante statim reipsa illi conferat; at Episcopus titularis cum Dioecesim non habeat, nullum beneficium fa- miliari suo conferre posset. Addi- mus eiusmodi titulum familiarita- tis continuae Episcopis titularibus ademptum fuisse a Pio IV in Const. Cum sicut accepimus lata die 21 Maii 1562, qua postquam questus sit et improbarit horum titularium Episcoporum audaciam, atque ef- fraenam ordinandi licentiam, qua fiebat ut inhabiles et indigni in Clericos ordinarentur, eis quascum- que adimit facultates, et titulos quibus se eiusmodi ordinationes peragere praesumebant. Ait enim prorsus ad Concilii Tridentini tra- mites.

§. 2. « Opportunum in praemis- » sis remedium adhibere volentes... » quascumque litteras ab eodem » Poenitentiariae nostrae officio seu » alias a Sede Apostolica quomodo- » libet emanatas, harum serie re-