EX SECRETARIA BREVIUM 685

spiritu iuncti cum peregrinationibus sibi indicant aliquem mor- tificationis aut pietatis actum quotidie exercendum, tempore quo respectiva peregrinatio perduraverit, nempe abstinentiam ali- quam, Missae auditionem, exercitium Viae Crucis, recitationem Rosarii, vel septem psalmorum poenitentialium, aut alicuius e parvis Officiis approbatis, plenariam Indulgentiam concedimus lucrandam ad libitum uno e diebus festis, durante respectivae peregrinationis spatio occurrentibus. Quo vero consultum sit earumdem peregrinationum tempori, concedimus ut quotidie in navi, servatis servandis, sacrum fieri possit, et sacra petentibus communio distribui. Potestatem pariter facimus Moderatori pro tempore cuiusque peregrinationis in posterum peragendae et aliquot sacerdotibus ad confessiones approbatis, ab eodem de- signandis, excipiendi peregrinantium confessiones. Pro mulie- ribus tamen, excepto aegra rum decumbentium casu, volumus adhiberi ut in exedris, apto in loco ponendam cratem, quae sacerdotem a poenitente seiungat. Et ne peregrinantes careant beneficio exercitii Viae Crucis tum in navi, tum ubi illa non habeatur canonice erecta, concedimus ut ipsi lucrari valeant indulgentias omnes eidem exercitio adnexas, si illud obeant coram praelata vectibili Cruce. Cum vero ad loca sancta per- venerint indulgemus ut peregrinantes apud unumquodque San- ctuarium quod visitaverint, eas omnes indulgentias assequi va- leant quas lucraturi forent si praecipuo eiusdem Sanctuarii festo interessent. Quod si alicuius ex iis Sanctuariis angustiae nec universos fortasse admittant peregrinos, nec sinant sacerdotes omnes peregrinantes ibi Sacrum facere, decernimus ut respe- ctivae peregrinationis Moderator rem agat cum Patriarcha Hie- rosolymitano, cui, dummodo locorum mores, et incolarum inge- nium istaec citra ullam offensionem perfici patiantur, Apostolica Nostra auctoritate, praesentium vi facultatem committimus, im- pertiendi veniam ex qua Missae sub aperto coelo ibi fieri ser- vatis servandis queant, et sacra peregrinis Eucharistia diriberi, ita ut per haec indulgentiae visitationi illius sanctuarii adnexae perinde acquirantur, ac si Sanctuarium fuisset reapse visitatum- Tandem, de Apostolicae similiter potestatis Nostrae plenitudine praesentium vi, itemque in perpetuum, in Sanctuarium quod ante memoravimus, Hierosolymae erectum, Nostrae Dominae Gallia- rum, indulgentiam plenariam transierimus Virginis Sepulchro adnexam, quod a Schismaticis detinetur et gravi absque discri-