686 ELNEN.

obtulerit, canonico, eamdem canonìam obtinenti, conferatur etiam praebenda, seu competens portio fructuum canonica-, lium; « quia non est congruum ut praebenda careat qui in canonicum noscitur esse receptus. » - ceu habet cap. 9 Re- latum Be praeb, cui concordat c. 19 Dilectus eod. tit. et 9 De const. Si quis itaque simpliciter in canonicum receptus sit, antequam reditus canonicales assequatur, sive eidem conferantur, dicitur habere canoniam seu canonicatum, non- dum vero praebendam: si quidem praebenda ulterius importat ius ad percipiendos fructus annuos canoniae, aut alias debitos ex titulo canonicali: unde qui habet utramque canonicus praebendatus appellatur. C. Sanctorum 2 dist. 70.

Haec elementaría sunt, ac notoriam recipiunt applicatio- nem in canonicis coadiutoribus, qui veri canonici sunt, licet qualibet praebenda careant. Unde in themate nil videretur obesse quominus canonici a Gubernio et Ordinario electi, et in fratres recepti, uti veri canonici habeantur, et iuribus ac privilegiis omnibus ad canonicatum pertinentibus, tum sede plena, tum vacante fruantur, licet ex iniuria temporum con- tigerit eos quolibet stipendio et praebenda privatos esse.

Imo cum haec stipendii et praebendae carentia ex civilis gubernii aemulatione, per violentiam, atque iniuste introducta sit, vel a fortiori in nullo pretio debet haberi, ceu suadent notissima iuris principia reg. in V Decret, et 64 in VI iuncta leg. cap. Quae in eccl. De const. Non enim potest admitti quod ex eo quod Gubernium iniuste pensiones sub- trahat, aut minuat, aut solvendo impar sit, hoc ipso iura quoque et privilegia canonicorum cessent, aut ecclesia im- pediatur titulos et officia vacantia, licet temporalibus destituta, valide et cum pleno effectu quoad spiritualia conferre. Non enim ecclesia pendet a statu, nec spiritualia sua munia ita cum temporalibus connexa habet, ut, his deficientibus, non possit illa committere.

Quo vero ad aliud petitionis punctum, num scilicet ca- nonici huiusmodi, qui sine praebenda sunt, sicut iuribus ac privilegiis pollent, ita etiam oneribus et officiis obstringantur,