6 8 6 Èx S. C. Episcoporum et Regularium

Perplexitates vero rationabiles equidem videntur, si at- tendatur: i°. Decretum Sacrae Congregationis consultationi- bus Episcoporum et Regularium praepositae, die 18 Mar- tii 1 9 0 4 ( i ) datum, quo Monialibus Tertiariis ad Ordinem Sanctissimae Trinitatis de Redemptione Captivorum pertinen- tibus iniunctum esse dicitur in approbandis earum Constitu- tionibus, ut colorem habitus in Ordine ipso SSmae Trinitatis consuetum, qui albus est cum Scapulari cruce rubea ac cae- rulea insignito Sorores acciperent loco habitus caeruleo in integrum colore, quem hucusque retinuerant; et quo, ad ef- fectum Indulgentiarum primi Ordinis assequendarum, permit- titur quidem eisdem Sororibus, ut adhibitum eousque colorem in habitu retineant, ne habitus primi Ordinis intuentium ocu- los percellat, sed sub promissione quod Moniales interius tunicam albam cum Scapulari Ordinis perpetuum gerant.

2 0 . Decretum Sacrae Indulgentiarum Congregationis diei 22 Augusti anno 1 8 4 2 in Verdunen. evulgatum, quo decla- ratur ad implendam ecclesiae vel Oratorii publici visitatio- nem, in Rescriptis Indulgentiarum requisitam, minime cen- sendum esse publicum Oratorium sive in Monasteriis, sive in Seminariis aut aliis Conventibus canonice dedicatum, ad quod tamen Christiana plebs non soleat accedere.

Itaque hodiernus Procurator Generalis, Supremi Fratrum Minorum Moderatoris iussu, ne tot Regulares Tertii Ordinis Fratres ac Sorores, qui bonum Christi odorem verbo et exem- plo ubique diffundunt, prohibeantur primo ac secundo Fra- trum Minorum ascribi et inde tot Indulgentiarum lucro po- tiri ; enixe Sanctitatem Tuam rogat, ut in favorem Sodalium Tertio Ordini S. Francisci Regulari adscriptorum viventium- que sub regulis saltem ab Ordinario loci approbatis, qui Fra- trum Minorum Ordini petant accenseri, sequentia opportune Indulta dignetur elargiri:

( i ) Cfr. Acta S. Sedis, vol . 36, p. 606.