EX S. C. RITUUM 687

exortu, innocenter gestis sancta passim appellabatur, utque se- ptennium iniit, illi charitatis spiritui arctissime adhaesit, quo quid- quid virtutem saperet protinus assequi et in eius exercitio con- sistere mirum quantum adlaboraret. Quamquam autem in coe- nobium sese recipere solemnique claustri lege adstringi non po- tuit, in eo cui se devoverat sanctimoniae gradu cum absolutis vitam exemplaribus componere studuit; quodque sibi in desi- deriis iamdudum fuerat, Christo auspicante et suasore, tertii Al- cantarensium coetus ratione officiisque susceptis usque adeo in- claruit, ut eosdem ingressa mores eandemque fere disciplinam constanter prosecuta, ad b. Mariae Annae a Iesu et satius s. Fran- ciscae a Quinque Vulneribus praeclariora exempla prae ceteris exprimenda, aemulae imitationis operam assiduo contulerit. Id- circo virtutum omnium, ac potissimum penitae animi demissio- nis, angelici morum candoris, sibique ab incunabulis socii in Iesum, quem suum vocabat delicium, amoris incensi tantam lau- dem portendit, quanta ingentem, quoad in terris ageret, sibi apud omnes famam compararet. Quod eiusmodi evasit, ut cives vel plurimi longe conspicua dignitate illam invisere, et sacrorum Antistites quique praesertim sacerdotes ab exomologesibus erant, illam percontari sibi honori et solatio ducerent; Neapolitana in universum civitas ad eam continenter afflueret, consiliorum opem rogatura in dubiis quibus laboraret ad discrimina praesertim deprecanda; et Mariam Cruciflxam unusquisque inclamaret im- mortale lumen promeritam, cuius fructus est in omni bonitate et iustitia et veritate. Immo quomodo in virtutum facultate eni- teret, argumento fuit singulari, quod, rebus publicis in Europa restitutis, insignem saepenumero existimationem testatus, sacro etiam reliquiarum dono eam augere non dubitaverit Pius VII Pontifex Maximus post suum a quinquennali exilio in urbem reditum, quem fusis ad Deum feliciter votis ipsa maturasse non immerito putabatur. Qua enim praestabat sanctimonia, huic fi- dem cumulare cummaxime videbantur caelestia charismata, prodigia ad eius preces effecta, et impleta vaticinia, quibus, af- flante Numine, quod infirma mundi eligit ut fortia quaeque con- fundat, futura praenuntiare soleret. Quanta vero, dum vita sup- peteret, commendatione pietatis erat instructa, eadem quin ad sepulcrum interciderei, altius radicibus actis, potiores a funere vires sumpsisse indubia testimonia declarant, postquam annos nata quatuor et quadraginta, decimo septimo calendas ianuarias,