ZAGRABIEN". 691

similitudine. En eius verba : « Quibus expositis hoc etiam addi debere puto, etiamsi iuspatronatus activum alternative exercendum sit, me compatronatus iure tamen privatam cen- seri non debere propter partem Novidvori II, quae in prae- sentia a iudaeo tenetur. Quod quidem ius compatronatus ar- denter apparet in modo ferendorum onerum patronatu! adne- xorum : in concursu enim qui propter talia onera promul- gatur, uterque patronus aequaliter concurrunt. Inter me igitur et Iudaeum Iacobum Bruckner idem casus obtinet, qui inter catholicos et iudaeos electores in magistratibus, cum de eligendo catholico parocho agitur. Licet enim iudaei electores maiorita- tem votorum haberent, non quem illi, sed quem catholicorum electorum minoritas eligeret sine ulla interventione Episcopi titulo iuris devolutionis, electus censeretur. Qua de causa etiam Schulte, cui adstipulatur Hinschius, docent, ius devo- lutionis illo tantum in casu locum habere, quandiu nullus christianae fidei collator existit, in contrario casu, quando, licet tantum unus collator, qui christianam fidem profitetur adest, de iure devolutionis quaestionem haberi non debere ».

IURA VICARII CAPITULARIS. E X altera vero parte postquam adnotatum fuerit rationem alternae praesentationis inter com- patronos , iuri canonico plene congruere ex Clem. 2 De iurep.; animadvertitur, quod ea semel statuta atque con- venta, singuli in proprio turno seorsim, nec ulla compatroni facta mentione, ius suum exercent, ita ut in tali actu alter patronus nullam partem habeat ipsumque iuspatronatus pro ea vice apud solum turnarium adesse videatur. His igitur positis, non apparet ratio ob quam compatronus non existens in turno subintrare valeat ad praesentandum. Dicitur quidem a compatrono invocari posse ius accrescendi ; ast, ut advertit Pitonius loc. cit. alleg. 74, n. 8, praesentatio « alteri com- patrono competere nequit iure accrescendi, quod, diviso exer- citio per alternativam seu per turnum, sublatum remanet, manente tamen communione quoad proprietatem, quae nihil, commune habet cum exercitio ut bene probat Rota in Lauden. Canonicatus, 3 Martii 1697. »