HILDESHEIMEN. SEU SOUTHW ARGEN. 693

est, emptionem et venditionem contrahi, simul ac de pretio partes convenerint; quamvis nondum pretium numeratum sit.

Sed neque ius quoad bona Coenobio annexa monialibus Greenwich competere subdit, quia huiusmodi bona, cum iuxta voluntatem a testatoribus panditam, pro instructione puellis civitatis Duderstadiensis tradenda, erogari debeant; monialibus Greenwich incolentibus tribui haud possunt, quin testatorum voluntatibus vulnus infligatur: quod permitti nullo pacto valet.

Hisce addit, moniales, quae huiusmodi bona sibi vindicare contendunt, respectivis oneribus et obligationibus satisfacere haud posse; neque antiquum conventum Duderstadienseni repraesentari per novum in Greenwich erectum, quia, ex- ceptis duabus tantum, ceterae moniales neque in priori Du- derstadiensi conventu suppressionis tempore reperiebantur, neque ad nationem germanicam pertinent, et nuperrimis tan- tum temporibus in ipso loco Greenwich inter Ursulinas re- ceptae sunt.

Praeterea, ex confessione ipsius Priorissae conventus in Greenwich existentis, palam fieri inquit, quod hae moniales numquam in votis habuerint Duderstadium redeundi, haec enim ad Episcopum Wratislaviensem ad rem scribebat : « Conventum G-reenwichensem derelinquere non possumus; » nam habemus hic propriam domum satis bene instructam, » inservimus hic muneri et officiis, quae licet angustioribus » finibus sint contenta, tamen vires nostras non superant: » modernus noster dominus superior vehementer desiderat, » ut hoc nostrum institutum existere non desinat : conven- » tum nostrum ingressae sunt tres virgines ex Hibernia quas » neque Duderstadium ducere, nec in Anglia derelinquere » nobis licet; nec desunt moniales, quae alio translocari ae- » gre ferent. »

Ex quo deduci posse autumat, quod moniales Greenwich Episcopi dispositionibus modo obtemperare renuunt, non quia bonum ius sibi adsistere credant, sed spe lucri allectae, ut scilicet compensationem maiorem ea, quae ipsis ab Episcopo