EX S. C. RITUUM 695

DUBIUM; quaeritur an Regulares, qui occasione praedicationis, apud diversas Eccle-

sias celebrant, obligationi subiiciantur celebrandi iuxta Kalendarium Ecclesiae,

in qua celebrant.

Quamplures Regulares, ratione suae vocationis et praedi- cationis, quotannis per Quadragesimam totam, per menses maii et octobris et per alia quoque tempora Sacrum peragunt extra suas Ecclesias ; eaque de causa obtinuerunt ab Apostolica Sede privilegium celebrandi Missam iuxta kalendarium proprii Or- dinis, quando color concordat cum colore Officii Ecclesiae in qua celebrant. Praeterea iidem Regulares habent privilegium, iuxta quod concessio illis per Apostolicam Sedem semel facta, iam amplius non debet revocata censeri, nisi de praedicta con- cessione fiat mentio specialis, vel saltem habeatur clausula revo- catoria privilegii, etiam speciali mentione digni. Hinc quaesitum est: Utrum Regulares, de quibus in casu, comprehendantur sub decreto Sacrorum Rituum Congregationis die 9 Decem- bris 1895 edito ?

Sacra autem Rituum Congregatio, referente subscripto Se- cretario, atque audito voto Commissionis Liturgicae, omnibus rite perpensis, respondendum censuit: Affirmative.

Atque ita declaravit ac rescripsit. Die 8 Februarii 1896.

CAL CARD. ALOISI-MASELLA S. R. C. Praefectus.

L. % S. ALOISIUS TRIPEPI S. R. C. Secretarius.

RESCRIPTUM, quo Patribus Franciscanis Ecclesias asslsienses petentibus, peregri-

nationis causa, indulgetur celebrare missam votivam de s. Francisco in Sacello

Portiunculae etc.

Hodiernus Pater praepositus moderandae Provinciae Sera- phicae Ordinis Minorum S. Francisci de Observantia, votis obse- cundans tam ipsius Provinciae Alumnorum, quam Sacerdotum ad celebres Assisienses Ecclesias piae peregrinationis causa undique confluentium, a Sanctissimo Domino Nostro Leone Papa XIII humillimis precibus privilegium eiflagitavit, quo in Sacello Portiunculae nec non in altero, olim cubiculo, ubi san- ctus Patriarcha obdormivit in Domino, Missam votivam de eo- dem sancto Confessore propriam cuilibet Sacerdoti liceat cele- brare, etiamsi Officium ritus duplicis occurrat.