696 EX S. G. RITUUM

GERUNDEN. Dubia quoad administrationem sacramentorum communionis et extremae

unctionis Monialibus cisterciensibus et quoad translationem earumdem cada-

verum.

Sacerdos Michael Camos, Confessarius et Capellanus Mo- nialium Cisterciensium Monasterii de Chatinis Civitatis et Dioe- ceseos Gerundensis, sequentium Dubiorum solutionem a Sacra Rituum Congregatione humillime flagitavit: Quum iuxta Rituale Cisterciense, Communio et Extrema Unctio administrandae sint infirmis cum alba et stola et pro ipsarum Communione afferri debeant in Calice tot Particulae, quot sunt infirmae communi- candae, ac praeberi ultimae communicatae, aut proiici in ignem, vinum et aqua ablutionis Calicis, quaeritur :

I. Utrum, quando Sacerdos saecularis administrat praefatis Monialibus Sacramenta, teneatur servare Rituale Cisterciense, an potius uti debeat Rituali Romano?

IL Si servandum sit Rituale Cisterciense, permittiturne sal- tem adhiberi superpelliceum loco albae et pro Communione loco Calicis, Pixidem cum pluribus Particulis, iuxta Ritum Ro- manum ?

III. Utrum in translatione cadaverum Monialium e loco su- periore Monasterii ad Chorum inferiorem, et in earum exequiis, exclusa Missa Conventuali, servari possit Rituale et Missale Romanum, iuxta consuetudinem vigentem ?

Et Sacra eadem Congregatio, referente infrascripto Secre- tario, exquisito voto alterius ex Consultoribus ipsius Sacrae Con- gregationis, propositis Dubiis respondendum censuit :

Ad I. Sacerdos saecularis, de quo in casu, debet uti Ri- tuali Romano.

Ad II. Provisum in Primo. Ad III. Affirmative, dummodo lex clausurae in eiusmodi

translationibus non violetur.

Atque ita rescripsit. Die 8 Maii 1896.

C. CARD. ALOISI-MASELLA S. R. C. Praefectus. L. * S.

ALOISIUS TRIPEPI S. R. C. Secretarius.