696 Ex S. C. Concilii

EX S. CONGREGATIONE CONCILII

LUCANA

EMOLUMENTORUM

Iura stolae ad solum parochum, aiia vero emolumenta in- certa etiam ad vice-parochum pertinent.

Species facti. In civitate Lucana extat pium Opus, vulgo Regii Spedali ed Ospizii di Lucca, ab Administratione

laica dependens et variis conflatum hospitalibus et ecclesiis cum propriis cappellanis, quae subsunt iurisdictioni parochi ecclesiae S. Lucae in eodem Instituto primariae. Anno 1 8 9 8 parocho Raphaeli Ceccarini uti vice-parochus deputatus fuit sac. Paulus Fanucchi, qui sibi vindicare coepit ius ad dimi- diam partem incertorum parochialium. Verum, renuente pa- rocho, quaestio ab Archiepiscopo remissa fuit cuidam Com- missioni consultivae doctiorum sacerdotum Congregazione Si- nodale nuncupatae, quae reapse a. 1 9 0 0 opinamentum vice- parocho favorabile dedit. Cum autem huic iudicio parochus acquiescere detrectaret, vice-parochus recursum obtulit ad laicam hospitalium Administrationem, quae a. 1 9 0 1 pariter favore recurrentis sententiam tulit. Et quamvis Archiepisco- pus dictam Administrationem monuisset, quod decisio Con- gregationis synodalis erat mere consultiva et hinc causa apud Curiam adhuc pendebat, eadem tamen Administratio reso- lutionem suam parocho indixit, qui deinde provocavit ad su- periorem provinciae Commissionem vulgo Giunta provinciale, necnon ad S. Sedem contra praetensiones vice-parochi et votum Commissionis synodalis.

Interim ab H. S. C, monito prius vice-parocho ut suae conscientiae consuleret ob recursum ad iudices laicos et ne uteretur sententia ab iisdem prolata, impositum fuit litigan-