DECRETUM 697

cedit, sed etiam in dies magis magisque succrevit. Exinde con- tigit ut Rmus Archiepiscopus Marianopolitanus ordinariam inqui- sitionem super eadem fama sanctitatis, nec non virtutum et mi- raculorum ipsius Servae Dei instituendam tandem aggressus sit. Qua rite absoluta, et ad Sacram Rituum Congregationem delata, Sanctissimus Dominus Noster L E O P A P A XIII benigne indulsit, ut Dubium signaturae Introductionis Causae praedictae Servae Dei ageretur in Ordinario ipsius Sacrae Congregationis coetu, absque interventu et voto Consultorum, ac licet nondum elapso decennio a die praesentationis Processus Informativi in Actis eiusdem Sacrae Congregationis.

Quapropter infrascriptus Cardinalis eidem Sacrae Rituum Congregationi Praefectus huiusce Causae Ponens, instante Rev. P. Arthuro Iulio Capti er, Procuratore Generali Seminarii Sancti Sulpitii, Causae ipsius Postulatore, attentisque postulatoriis litte- ris plurium Rmorum sacrorum Antistitum aliorumque Virorum tam ecclesiastica quam civili dignitate illustrium, in Ordinariis Sacrae Rituum Congregationis Comitiis ad Vaticanum subsi- gnata die coadunatis sequens Dubium discutiendum proposuit, nimirum: « An sit signanda Commissio introductionis Causae in casu, et ad effectum, de quo agitur t »

Et Sacra eadem Congregatio, omnibus accurato examine perpensis, auditoque voce et scripto R. P. D. Augustino Caprara Sanctae Fidei Promotore, rescribendum censuit: « Affirmative seu signandam esse Commissionem si SSmo placuerit. » Die 27 Martii 1890.

Facta postmodum de praemissis per infrascriptum Secreta- rium Sanctissimo Domino Nostro L E O N I P A P A E XIII fideli rela- tione, Sanctitas Sua sententiam Sacrae Congregationis ratam habuit et confirmavit; propriaque manu signavit Commissionem Introductionis Causae Ven. Servae Dei Mariae Margaritae Du- frost de Lajammerais viduae d'Youville praedictae die 28 Aprilis anno eodem.

C. Card. ALOISI-MASELLA, S. R. C. Praefectus.

L. & S. VINCENTIUS Nussi, S. R. C. Secretarius.