699

DUBIUM quoad nomen proprium retinendum in catalogis Sectarum etc.

Eminentissimo ac Reverendissimo Domino Cardinali Satolli Delegato Apostolico

in Statibus Foederatis Americae Septentrionalis

Die 19 Ianuarii 1896.

Eminentissime ac Reverendissime Domine.

Quaesitum fuit an, remota quavis alia earumdem sectarum participatione, hoc saltem liceat, nomen proprium in sociorum catalogis retinere, necnon in praefatae taxae vel aeris alieni solutione stato tempore perseverare. Quod dubium sane gra- vissimum cum Sanctissimus Dominus Noster Sacrae huic Su- premae Congregationi commiserit enucleandum, eadem Sacra Congregatio, re mature perpensa, respondendum censuit: Ge- neratim loquendo non licere; et ad mentem.

Mens est quod ea res tolerari possit sequentibus conditio- nibus et adiunctis simul in casu concurrentibus, scilicet:

I. Si bona fide sectae primitus nomen dederint, antequam sibi innotuisset, societatem fuisse damnatam.

II. Si absit scandalum, vel opportuna removeatur decla- ratione, id a se fieri, ne ius ad emolumenta vel beneficium temporis in aere alieno solvendo amittat a quavis interim sectae communione et a quovis interventu, etiam materiali ut prae- mittitur, abstinendo.

III. Si grave damnum sibi aut familiae in renunciatione obveniat.

IV. Tandem ut non adsit vel homini illi, vel familiae eius periculum perversionis ex parte sectariorum spectato praecipue casu vel infirmitatis vel mortis, neve similiter adsit periculum funeris peragendi, a ritibus catholicis alieni.

Quae cum Sanctissimo Domino Papae Leoni XIII relata fuerint in totum approbata et confirmata fuerunt. Verum cum de re gravissima atque periculorum et difficultatum plena aga- tur, quae plurimas non modo dioceseos sed et provincias ec- clesiasticas respicit, idem SSmus N. iussit ut uniformis regulae servandae causa, casibus particularibus Eminentia Tua et in Apostolica delegatione successores providere possint.

R. Card. MONACO

EX S. CONGR. S. R. U. INQUISITIONIS