702 A P P E N D I X ir.

2. Optimum quoque consilium S. Congregatio existimat, quod a nonnullis Vic. Ap. susceptum est, ut singularis schola instituatur in qua pueri huiusmodi ab aliis separati ad Seminarium praeparentur : vel -satius, ut iam in pluribus missionibus factum est, collegium puerorum praeparatorium (petit séminaire) a Seminario proprie dicto divisum constituatur.

3. Quoniam vero complures adhuc Vicariatus in Sinis vix figuram quamdam ac veluti initium Seminariorum exhibent, nec media ad ea constituenda necessaria adhuc in promptu habentur, nec brevi reperiri poterunt; ne huius institutionis utilitate priventur, imo ut statim illius fructibus perfrui possint, Emi PP. earum missionum praesulibus com- mendarunt ut consiliis simul initis Seminaria quae appellant centralia sive provincialia, unum aut plures in singulis regionibus, iuxta oppor- tunitatem, instituere satagant, in quibus facilius et magistrorum et moderatorum copia, et, pecunia collata, caetera media necessaria com- parari poterunt. Quod quidem Tridentini PP. iam in decreto memorato aperte innuunt iis verbis : si vero in aliqua provincia ecclesiae tanta paupertate laborent ul collegium in aliquibus erigi non possit. Syno- dus provincialis, vel metropolitana cum duobus antiquioribus suffra- ganeis, in ecclesia metropolitana vel alia provinciae ecclesia commo- dari, unum aut plura collegia, prout opportunum iudicabit, ex fru- ctibus duarum aut plurium ecclesiarum, in quibus singulis collegium commode institui non potest, erigenda curabit ubi pueri illarum eccle- siarum educentur.

4. Districte vero praecipit S. Consilium ut in maius Seminarium (Grand Séminaire), ubi erectum sit, nullimode admittantur laici; qui vero vocatione ecclesiastica carere dignoscantur, statim ab eo exclu- dantur, ita ut de tali collegio verissime dici possit illud Dei ministro- rum perpetuum seminarium esse. Nec minori severitate servanda est Tridentini praescriptio, ut nimirum discolos et incorrigibiles ac malo- rum morum seminatores acriter (Vicarii AA.) puniant, eos etiam, si opus fuerit, expeliendo, omniaque impedimenta auferentes quaecumque ad conservandum et augendum tam pium et sanctum Institutum per- tinere videbuntur diligenter curent.

5. Quod quidem ut efficaciter assequantur necesse omnino est, ut commodiori Seminariorum curae et regimini opportune ita provideant ut quos sacerdotes iis praefiniant ab omnimoda aliorum ministeriorum administratione dispensent atque eximant; ne dum diversis sollicitudi- nibus distinentur, huic tanti momenti negotio non diligentissimam dent •operam. Quod si accideret, teneram iuvenum naturam ad praecellen-