APPENDIX IV. 703

tem sacerdotii vocationem non ita fingere possent, uti, ipso praeeunte Concilio,'Ecclesiae intentionem firmissimam esse, cuique legenti patet. •Quin etiam curent Episcopi ut moderatori Seminarii spiritualis director alumnorum assignetur, cuius ministerio quot ad pietatem ac sanctorum doctrinam hauriendam stimuli alumnis addantur vix credibile est.

6. Laudat S. C. consilium PP. in nonnullis Synodis expressum quoad instaurationem studiorum : de qua re Decretum Concilii Triden- tini adeo sollicitum fuit. Verum cum accuratissime consideraverit, quae ad ipsam de statu studiorum in Seminariis sinensibus his postremis temporibus relata sunt, non solum sui muneris esse existimavit teno- rem memorati Decreti Vicariis AA. in memoriam revocare, verum etiam nonnulla specialiter indicare quae ad rectam instaurationem stu- diorum in Sinis censet pertinere. Itaque in primis monendus esse au- tumat optimum fore consilium si in singulis regionibus, quarum prae- sules in Synodum convenerunt, ab ipsis communi consensu doctiores quidam et experientia spectati deligantur viri, qui simul congregati de ratione studiorum in Seminariis inducenda pertractent, ac relatione sententiarum in quas descenderint elucubrata, eam Episcopis in proxi- mis conventibus synodalibus discutiendam tradant. Necesse autem erit ut peculiariter de libris in scholis Seminariorum adhibendis sermonem faciant, discutiantque an in classibus linguae latinae auctores aureae aetatis indiscriminatim alumnis tradere expediat, tum etiam an et quo- modo classici auctores sinenses adolescentibus addiscendi tradi debeant. Praesertim vero ad examen revocabunt quaestionem de auctoribus in pilosophia rationali ac theologia adhibendis. Qua in re laeto animo per- vidit S. Congregatio plures ex Patribus sollicitos se ostendisse ut phi- losophia ad methodum S. Thomae in hisce scholis introduceretur. Hoc itaque propositum laudat, ac optimum autumat si praedicti viri de ra- tione eam rem ad praxim deducendi tractaverat, eos auctores indi- cando qui idonei ad id, inspectis locorum et iuvenum circumstantiis, reperti fuerint. Id sane, ut notum est, gratissimum SSmo Domino No- stro erit, qui tantam de philosophia D. Thomae restituenda sollicitu- dinem ostendit, uti ex eius uteris encyclicis patet. Item animadverten- dum erit qua ratione in philosophicis $t praesertim theologicis doctri- nis tradendis errores et praeiudicia nationis prae oculis haberi ac refu- tan debeant. Neque inopportunum esset si aliquod opus expresse con- tra haec ipsa praeiudicia concinnatum exhibeatur, ut scilicet iuvenes ad sacerdotium designati veri certatores adversus gentis suae errata efformentur. Denique in id maxime contendendu.nl est ut in doctrina de Ecclesia tradenda alumni de vi ac ratione primatus Romani Ponti-