APPENDIX IV. 707

S. Congr. S. Officii, 17 Ianuarii 1883. Missionarii Sinenses quoad mercaturam et censuras inflictas.

Utrum declaratio SSmi diei 4 Decembris 1873 complectatur etiam missionarios sinenses? (1).

R. Affirmative; et ad mentem: Mens est: 1. Ut illis verbis sim- pliciter reservatae Pontifici substituantur alia verba Clementis IX. nempe: - A qua excommunicatione latae sententiae ipso facto incurrenda nemo absolvi potest, praeterquam in mortis articulo constitutus, nisi lucris huiusmodi prius restitutis (Clemens IX. in Constitut. Sollicitudo pa- storalis 17 Iunii 1669 §. 4 . ) . 2. Ut eadem prohibitio ac poena ad mentem eiusdem Clementis IX. non solum afficiat missionarios euro- paeus, sed etiam quoscumque ecclesiasticos viros, qui sub nomine mis- sionariorum, aut quovis alio titulo, pro tempore missi fuerint, aut in illis partibus quomodolibet morabuntur.

S. Congr S. Officii, 29 Ianuarii 1851. - De pecunia convertenda in merces

Implorat (Vic. Ap. Kouytcheeu) facultatem procurandi ut pecunia, a Seminario Parisiensi pro viatico et necessitatibus missonariorum missa, in portubus convertatur in merces, quae intra regionem vendantur, ut sic sine detrimento recipiatur integra pecunia missa. Sic res procedit. Vicarius Apostolicus pecuniam ad se missam deponit apud quemdam mercatorem in provincia sua commorantem, et partem illius pecuniae de tempore in tempus sumit et expendit prout necessitates postulant; et sic in fine anni, plus minusve pecuniae superest in manibus mer- catoris, qui ea utitur pecunia ut suum exerceat commercium, et lu- crum ex ea percipit, miraturque quod Vic. Ap. nullam lucri adve- nientis partem recipiat. Petit Vicarius Apostolicus ut sibi liceat cum illo mercatore societatem inire, ut lucri vel damni sit particeps, pro rata pecuniae apud praefatum mercatorem a Vic. Ap. depositae.

R. Quoad ineundam societatem, negative; et Vic. Ap. Kouytcheou consulat Benedictum XIV. in sua Constitutione Apostolicae servitutis -et de Synod. Dioeces, lib. 10, c. 3, et detur Decretum diei 13 Augu- sti 1834 nempe: Posse missionarios etc. subsidiorum sibi debitorum securitati et missionis ipsius bono consulere, accipiendo per modum permutàtionis merces pecuniis sibi debitis emptas easdemque ad se de- latas vendere, et suum facere pretium ex venditione earumdem re- trahendum.

(1) Declaratio haec prostat hac appendice, pag. 706.