707

LITTERAE

ad Emum Urbis Vicarium, quibus clerici et sacerdotes omnes studiorum causa Ro- mam petentes, Seminaria vel Collegia ecclesiastica ingredi praecipiuntur.

EMINENTISSIMO PETRO CARD. RESPIGHI

VICARIO GENERALI DIOECESIS ROMANAE (Versio)

(1)

Omnium instauratio in Christo, quam Deo favente in Ec- clesiae regimine Nobis proposuimus, ut pluries iam indigitavi- mus, rectam Cleri institutionem requirit, vocationum nempe pro- bationem, de integritate vitae aspirantium examen, necnon di- ligentiam ne Sanctuarii ostium nimia facilitate eis adaperiatur. Ad regnum Iesu Christi in mundo instaurandum nihil admo- dum necessarium est quam Cleri sanctitas, ut ipse exemplo, verbo atque scientia sit fidelibus norma, qui, iuxta antiquum adagium, semper erunt quales sunt sacerdotes : sicut sacerdos, sic populus.

Revera S. Concilium Tridentinum nos docet : Nihil est quod alios magis ad pietatem et Dei cultum assidue instruat quam eorum cita et exemplum, qui se divino ministerio dedicaverant ; quum enim a rebus saeculi in altiorem sublati locum conspi- ciantur, in eos tamquam in speculum reliqui oculos coniiciunt, ex iisque sumunt quod imitentur (Sess. XXII, cap. 1, de Reform.). Ex quo clara exurgit necessitas quod in sortem Domini vocati a primis usque annis non tantummodo ad illam pietatem ac do- ctrinam, qua sal terrae et lux mundi fiant, sint instructi, sed in Seminariis sub vigilanti observantia ac sedula disciplina sancti- tatem vitae meditaverint eamque in praxim tradiderint. In Se- minariis siquidem tenerae plantae aluntur quae, cum arbores effectae sint, uberes ferent fructus ; in Seminariis operarii, qui vineam Domini excolere debebunt, praeparantur, et demum

(i) Textus italicus prostat in praecedenti fasciculo, pag. 655.

A C T A R O M A N I P O N T I F I C I S