POSNANIEN. 711

ser tim Felin. n. 113 et Dop. n. 187, et S. O. C. Quae omnia multo magis valent si observantia sit fundationi pro- xima et coaeva. Pitonius De controv. patr. alleg. 100 n. 614; disc. eccl. 159 n. 44. Cfr. S. C. C. Maceratevi, dispensationis 3 febr. 1787. Ceriniolen. Interpretationis 1 Apr. 1876 § Orta, signanter vero resolutionem S. C. C. in Bononien. Legati die 11 Dec. 1880.

Iamvero in themate habemus observantiam fere centena- riam, non solum fundationi proximam, sed quae inducta est ab ipso executore testamenti ; unde maiorem sibi vindicat auctoritatem. Sed vel maximam, si consideretur, ipsum piae mulieris haeredem, qui non alius fuit ac ipsemet Ordinarius Posnaniensis, ratam usque ab initio habuisse praxim quae hodie impugnatur. « Anno Domini 1820, ait hodiernus pa- rochus orator, Archiepiscopus Posnaniensis Timotheus de Gorzenski erat ipse haeres bonorum in Wiciazkowo, sicut propinquus testatricis, quae de domo Gorzenski erat : ipse solvebat per aliquot annos summam fundatam ecclesiae pa- rochiali in Ooniembice, noverat mentem testamenti Cordulae, et non restitit observantiae. »

Accedit iuxta eumdem parochum « quod propinqui testa- tricis, qui, per multos annos post mortem testatricis erant haeredes bonorum in Wyciazkowo et Goniembice, erant etiam patroni ecclesiae huius, et approbabant computos an- nuos ecclesiae, nihil tamen opponebant, neque ullam querelam ad Rev. Ordinarios contra observantiam. »

Quin imo hodierni haeredes de hac inolita praxi con- tenti sunt ; sicut contra eam in sacris Visitationibus hucusque non reclamaverunt Praesules loci Ordinarii.

Nec obiici valet, testamenti executorem, utpote parochum loci Goniembice, iudicem fuisse in propria causa, dum sibi legati reditus attribuit. Quandoquidem responderi in primis potest, quidquid sit de hac re, exinde executoris qualitatem non tolli. Sed praeterea re torqueri posset argumentum, di- cendo, testatricem hoc ipso voluisse favere executori proprii testamenti eiusque successoribus.