712 POSNANIEN.

Nec nocet observantiae decretum anni 1868, quin imo ipsi favet; quum saltem implicite recognoverit ius parochi ad fructus residuos, imponendo solummodo onus, ,quod inso- litum haud esse videtur, nempe de decima fructuum parte in favorem fabricae ecclesiae et pro cultus expensis sol- venda.

Q U A E CONTRA C U R A T U M F A C E R E V I D E N T U R . E X altera vero parte in primis observari debet, legatum, de quo quaestio, relictum dici parochiali ecclesiae, non autem directe et per- sonaliter parocho. Sane in decreto episcopali ita legitur: « Cordula Turno annuum censum 60 thalerorum ecclesiae

parochiali in Goniembice... in perpetuum hac intentione tutari iussit etc. » Et ipsemet orator in suo supplici libello obiter scribit: « Cordula Turno destinavit anno D. 1811 in testamento huic parochiali ecclesiae 60 thaleros. » Porro cum legatum ecclesiae relictum dicatur, non autem parocho, se- quitur, quod, oneribus impletis, quod superest aerario ecclesiae pro cultus expensis accrescere debet, non autem parocho in augmentum congruae.

Accedit quod testamenti verba, si ea ratione interpre- tentur quam Archiepiscopus proponit, legati reditus ad onera satisfacienda vix sufficerent. Vult namque Praesul ex alle- gatae particulae tenore patere « legati non alium esse finem, atque ut comparentur luminaria pro ecclesia, ut absolvatur quotannis unum anniversarium... atque ut sepulcrum Domini illuminetur. » Iuxta quam interpretationem non duplex, ceu parochus supponit et hucusque intellectum est, sed triplex onus legato esset adscriptum, pro luminaribus nempe in gene- rali, pro anniversario fundatricis et pro illuminatione speciali Sepulcri in Parasceve : quibus oneribus satisfaciendis ac prae-r sertim priori obeundo omnes legati reditus profecto absor- berentur, et ideo vel a fortiori parochus a quocumque emo- lumento excluderetur.

Et quamvis adducta interpretatio non admittatur, tum quia nova est, tum quia distinctioni et divisioni verborum non undequaque naturali innititur, cum enim legatum dicatur