714 EPISTOLA ENCYCLICA

mysticum compactum ait esse et connexum. Caput Christus: ex quo totum corpus compactum, et connexum per omnem iun- cturam subministrationis, secundum operationem in mensuram uniuscuiusque membri (1). Quamobrem dispersa a membris ce- teris siqua membra vagantur, cum eodem atque unico capite conglutinata esse nequeunt: Unus Deus est, et Christus unus, et una Ecclesia eius et fides una et plebs una in solidam cor- poris unitatem concordiae glutino copulata. Scindi unitas non potest, nec corpus unum diseidio compaginis separari (2). Quo melius Ecclesiam effingat unicam, similitudinem animati corpo- ris informat, cuius non aliter victura membra sunt, nisi colligata cum capite, vim ad se vitalem ex capite ipso traducant : seiun- cta, necesse est emori: Non potest (Ecclesia).... divulsis lacera- tane visceribus in frusta discerpi. Quidquid a matrice disces- serit, seorsum vivere et spirare non poterit (3). Mortuum vero corpus quid habet cum vivo similitudinis? Nemo enim unquam carnem suam odio habuit: sed nutrit, et fovet eam, sicut et Christus Ecclesiam: quia membra sumus corporis eius, de carne eius et de ossibus eius (4). Aliud igitur simile Christo incohetur caput, alius Christus, si praeter eam, quae corpus eius est, fìngi Ecclesiam alteram libeat. Videte quid eaveatis, videte quid ob- servetis, videte quid timeatis. Contingit, ut in corpore humano, imo de corpore aliquod praecidatur membrum, manus, digitus, pes: numquid praecisum sequitur anima? Cum in corpore es- set, vivebat: praecisum amittit vitam. Sie et homo christianus catholicus est, dum in corpore vivit: praecisus, haereticus fa- ctus est: membrum amputatum non sequitur spiritus (5). Est igitur Ecclesia Christi unica et perpetua: quicumque seorsum eant, aberrant a voluntate et praescriptione Christi Domini, re- lictoque salutis itinere, ad interitum digrediuntur. Quisquis ab Ecclesia, segregatus adulterae iungitur, a promissis Ecclesiae separatur, nec perveniet ad Christi praemia, qui reliquit Eccle- siam Christi Hanc unitatem qui non tenet, non tenet Dei

legem, non tenet Patris et Filii fidem, vitam non tenet et sa- lutem (6).

(1) Ephes. IV, 15-16.

(2) S. Cyprianus, De cath. Eccl. Unitate, n. 23. (3) Id loc. cir.

(4) Ephes. V, 29-30.

(5) S. Augustinus, sermo CCLXVII, n. 4.

(6) S. Cyprianus, De cath. Eccl. Unitate, n. 6.