714 EX S. G. S. R. ET U. INQUISITIONIS

Post sex adhuc annos, cum nulla spes affulgeret sanitatis mulieris, ipse vir obtinuit decretum civile, quo declaratum est matrimonium inter G. et B. fuisse invalidum ab initio ob dictam insaniam, quam medici plures tenuerunt Berthae causatami fuisse ex iniuria quam passa est quando aetatem decem annorum ipsa habebat.

Georgius iterum matrimonium contraxit cum acatholica ba- ptizata, Carolina C P., ipso adhuc infideli. In hac secunda unione G. adhuc vivit, ex qua proles natae sunt, et unus infans adhuc supervivit. Dementia Berthae, prioris uxoris, ita progressa est, ut amplius non agnoscat suam filiam et credat se esse Regi- nam Elizabetham Anglicanam.

Nunc Georgius (viginti novem annos post primum matri- monium cum Bertha, et quindecim post secundum cum prae- dicta Carolina) una cum hac coniuge et tota eius familia, uno tan- tum excepto, baptismum susceperunt et Catholicam fidem am- plexati sunt; et hanc propter rationem suppliciter exoptat ut Sanctitas Vestra dignetur solutionem prioris matrimonii in infide- litate contracti cum Bertha ei concedere ex summa potestate. Quod Georgius nunquam baptizatus erat' clare constat ex testi- monio plurium testium omnino fide dignorum, qui sub iura- mento deposuerunt se saepe saepius audivisse matrem eius di- cere cum fratre suo Georgium non esse baptizatum et de hoc facto vehementer dolere. Insuper nihil omnino in actis scriptum ha- beri de baptismo Georgii, quamvis de aliis baptizatis eodem tempore acta omnia habeantur. Curia dioecesana Episcopi expo- nentis, eamdem sententiam fert, ut videbitur infra. De non ba- ptismo Berthae, spectata qualitate probationum, non aequalis absoluta certitudo habetur, quamvis videatur adesse certitudo moralis quod et ipsa numquam baptismum suscepit. Augusta, soror Berthae, quae octodecim annos ante Bertham nata est, sub iuramento declaravit se omnimodam certitudinem habere, nempe sororem eius Bertham numquam fuisse baptizatam, quia in nullam religionem crediderunt neque fidem christianam sunt professae. Ideoque ad summum esset matrimonium naturale in infidelitate contractum inter Georgium et Bertham; aliter cum Georgius certe erat infidelis tempore huius contractus, Bertha baptizata, nullum esset matrimonium propter disparitatem cultus.

Haec sunt verba Curiae matrimonialis relate ad casum : De- claratum est a R. Moderatore Curiae Dioecesanae pro tractatione