11

militiam exhibentes, animo sint comparati ad suscipiendum Mis- sionis mandatum quod a Romano Pontifice obtenturi erunt.

3° Alumni ita erunt in proposito Seminario instituendi, ut Vicarii Apostolici vel Sacrorum Antistites, quibus subiieientur, possint iisdem Alumnis statim uti pro suis Seminariis seu scho- lis sive erectis sive erigendis: qui Alumni operam ministerium- que suum praecipuum impendere debebunt docendis ecclesiasticis litteris et scientiis, ea de causa ut Clerus indigena, in singulis locis ad quae missi fuerint, aut augeatur si adsit, aut creetur si desit.

4° Cum Seminaria Tridentina erecta sint ex collatis pecu- niae viribus sive ex ecclesiasticis bonis dioecesanis, sive contri- butione Cleri dioecesani, sive etiam dioecesanorum largitionibus ; ideo convenit, ut propositum Seminarium erigatur ex oblationibus quorumcumque fidelium ; praesertim vero ope et largitionibus catholici Cleri, qui pro nobili gradu, quem in Ecclesia occupat, idoneus apprime est ad cognoscendam universalitatem utilitatem- que causae.

5° Decretum Tridentinum sex voluit Deputatos pro singulis Seminariis dioecesanis sub Episcopi auctoritate; et cum ageretur de negotio, quod ad integram dioecesim pertineret, quatuor ex his Deputatis ita eligendos esse constituit, ut duo essent e Cano- nicorum numero, duo autem ex reliquo dioecesano Clero. Ad nor- mam itaque huius Tridentini Decreti , indole simul considerata propositi Seminarii, quam maxime expedit, ut illi sint tandem huius Seminarii tamquam Deputati (sub aliquo Praefecto ordineque praestituto), qui Romae iam caetera Seminaria regunt, idest R e - ctores Collegiorum ecclesiasticorum quae Romae constituta sunt cuiusvis sint nationis : hi enim pro tempore Rectores in educa- tionem iuvenis Cleri variarum nationum iam incumbentes, suas nationes vel nationis Clerum quodammodo Romae repraesentant; quique, cum Romae permaneant, Romani simul et exteri censeri merito possunt. Circiter viginti sunt in praesentia dicti Rectores, qui pro dimidia fere parte sunt itali; reliqui autem variarum na- tionum.