716 NEAPOLITANA

in VI. Unde in themate cum sacerdos Contarini a grava- mine provocaverit per viam accusationis, lapsus decendii, qui ex adverso opponitur, revera eidem nocere non potest.

At imo ne dici quidem potest decendium absque appel- latione elapsum fuisse. Siquidem ipse in suo supplici libello asseverat se variis modis ob passum gravamen conquestum cum Ordinario fuisse, et nonnisi ad morem eidem gerendum ab appellatione prosequenda diu abstinuisse; quod testatur Sacerdos Basso, aliique.

Atqui ad effectum appellationis non requiritur sacramen- talis alicuius formae prolatio; sed, ut habet Huet I. 2 t. 28 q. 10, « pars vel voce vel scripto vel facto declarare debet intra decem dies se provocare ad iudicem superiorem; » et, ut docet Engel cit. L, « appellatio a definitiva incontinenti fieri potest viva voce per verbum appello, vel aequipollens. » Quapropter dicendum iuxta patronum videtur, sacerdotem Contarini coram inferiore iudice, utili tempore sufficienterque utique appellasse, nam statim de suscepto gravamine est conquestus: et hoc unum dumtaxat distulisse, nempe apo- stolos petere et appellationem coram superiore iudice prosequi.

Verumtamen ad apostolorum petitionem faciendam et ap- pellationem in superiori foro prosequendam tempus non est a canonico iure praefinitum. En sane legis verba in cap. Cum sit 5 De appell.: « Si ante sententiam definitivam appelletur, annus conceditur appellantibus, vel ex necessaria et evidenti causa biennium : potest tamen iudex a quo ap- pellatur, considerata locorum distantia et qualitate causae ac personarum brevius tempus assignare. » Cui concinit Trid. sess. 24 cap. 20 de reform, cum Engel cit. I. tit. 28 n. 48 Pirhing lib. 2 tit. 28 n. 145 aliique passim. Porro in themate iudex a quo tempus non praefixit, imo potius causam ad differendam appellationis prosequutionem praestitit; et eo non obstante biennium non excessit; dilatio igitur haud posse nocere videtur.

Ast etiamsi daretur, sacerdotem Contarini ex legis rigore a iure appellandi decidisse, nihilominus sustinet patronum