L E O P O L I E N . S E U PRESMILIENSI. 717

aversionem et invineibilem antipathiam in comite derivasse enarrat, quae causa fuit inconsummationis matrimonii.

Ulterius iii facto rationum momenta attingit orator, qui- bus comes impulsus fuit ad alimenta uxori suppeditanda, ne scilicet, ut ipse ait, propter minas sibi illatas, fundos amit- teret, qui in Russiaco imperio sequestro subiicerentur. Nec aliquid obstare, subdit, multoque minus iuratae confessionis- veritatem imminuere, si comes, ut se ab invincibili antipa- thia, et odioso contubernio liberaret, conspicuam pecuniae summam per actum notarii se soluturum promisit, miseri- cordia motus erga comitissam quae, expers bonorum fortu- nae, victima fuit matris suae. Id autem comitem ex bonitate animi promisisse praemonet, non iam ut mulier aliquam fal- sitatem in iurato examine deponeret, sed ut veritatem unice ex conscientia confiteretur. Idcirco eam comes ad veritatem profitendam directe hortabatur, et tria capita seu rationes dissolvendi matrimonium eidem declaranda proponebat : 1. quod ipsa inierit matrimonium cum comite vi matris adacta, 2. quod aversioni mutuae causam dederit privatio relationum coniuga- lium; 3. <mod ipsa desiderat dissolvi ab hoc vinculo anor- mali. Porro Henrica, ut animadvertit patronus, non in omni- bus comitis quaesitis obsecundavit, ideoque ferventer adprecata est Episcopum ne eius depositiones innotescerent adversae parti; quia in sui praeiudicium sincere loquens timebat pro- missam sustentationem non amplius consecuturam. Nam coo- periens propriae genitricis coactionem nonnisi de levi metu in suo constituto locuta est, quamvis nonnulli testes de ma- terais minis usque ad cruentam mortem deposuerint. Quod si comitissa quoad nullitatem, ex capite vis et metus nihil conclusit, attamen praeter suam intentionem, observat pa- tronus, sincere ac veridice inconsummationem matrimonii non modo in iurato examine, sed in omnibus suis responsionibus confessa est. Quam postremam notabilem confessionem tu- tiorem viam ad gratiam dispensationis efñagitandam aperire monet, quin odiosae super ipsa nullitate quaestiones incur- rantur. Praeterea nonnulla habet orator quoad huius procès-