718 LEOPOLIEN. SEU PREMISLIEN.

sus formam, de qua superius praecipua exposita fuerunt. Nihil vero eorum substantialiter praetermissum fuisse affir- mat, quae in citata Constitutione Benedictina et Instru- ctione S. C. C. praescribuntur. Omnes testes enim citati legitime fuere : impossibile autem erat curiae episcopali con-̂ tumaces ac lati tantes audire. Contumaciam vero paucorum haud nullitatem processus secumferre adnotat, cum id et S. C. inter millenas tenuerit in Parisien. Dispensationis ma- trimonii 28 Martii 1857.

Post haec antequam quaestionem aggrediatur, nonnulla quoad criterium et statum quaestionis praemittenda ducit. Ac in primis adnotat quod cohaerenter ad preces Beatissimo Patri exhibitas, quamquam abstinendum sit a formali discus- sione super impedimento dirimenti ex metu reverentiali sub- orto, nihilominus satis superque emanare dubium super va- liditate ut inter causas dispensandi recenseatur. Positivum namque dubium relate ad essentiales matrimonii qualitates saltem gravissimam suppeditare dispensandi causam ne con- iuges inviti periculis coelibatus exponantur, vel ad aerumno- sum contubernium damnentur, eruitur ex Alexandro III cap. 14 De sponsale « plena debet securitate gaudere, cuius est animus indagandus, ne per timorem dicat sibi placere quod odit et sequatur exitus qui de invitis solet nuptiis pro- venire. » Praeterea ex constanti Ecclesiae disciplina comper- tissimum esse memorat, quod in hisce dispensationis iudiciis duo extrema requiruntur, nempe inconsummati, et aliqua iusta causa, ex qua Summus Pontifex ad gratiosam conces- sionem moveatur, ceu docuit S. Congregatio usque ad nuper- rimas Parisien, et Liburnen. diei 23 Ianuarii decurrentis anni 1892. Posita enim, subiungit, non consummatione, prudentius dispensatio relaxatur, quacumque ex causa illa proveniat sive ex antipathia, sive ex impotentia, sive etiam ex aliis mali daemonis artibus, veluti erudite commentatur Gonzalez ad cap. V De frigidis, et male f datis. Unde, ad- urget, quacumque ex causa inconsummatio derivet, imperfe- cta est coniugalis vinculi firmitas et indissolubilitas. Coniu-