7 i 8 Ex S. C. Rituum

ORIOLEN.

Circa consuetudinem inductam relate ad usum stolae in choro et pluvialium in Vesperis.

Revmus Dnus Ioannes Maura et Gelabert, Episcopus Oriolensis, vehementer exoptans ut Rubricae et Decreta, quae ad divinum cultum spectant, rite serventur, Sacrae Ri- tuum Congregationi ea quae sequuntur humiliter exposuit:

In Cathedrali ecclesia Oriolensi inde ab anno 1 6 2 6 adest consuetudo vi cuius Canonicus Hebdomadarius utitur stola in omnibus Horis canonicis persolvendis. Item diebus in qui- bus iuxta Caeremoniale Episcoporum assumenda sunt plu- vialia, accipiuntur hoc modo: Hebdomadarius habens stolam supra mozzetam manet in habitu chorali usque ad hymnum infra cuius cantum accipit pluviale; duo beneficiati in festis minus solemnibus, simul cum duobus Canonicis in solemnio- ribus, illud accipiunt in principio Vesperarum, sed tam omnes isti quam Hebdomadarius pluviale assumunt in ipso choro quin in sacristiam conveniant; tempore vero incensationis idem Hebdomadarius associatur ad altare a duobus aliis Be- neficiatis simplici habitu chorali indutis. Tandem in fine Ve- sperarum omnes qui pluvialia assumpserunt illa deponunt quin e choro egrediantur. Nunc vero cum circa legitimitatem harum consuetudinum graves dubitationes exortae sint nu- perrime et inter ipsos Capitulares non conveniat quid agen- dum sit, idem Ordinarius ad omnem ambiguitatem et inquie- tudinem e medio tollendam insequentium dubiorum solutio- nem a S. C. expetivit; nempe:

I. An huiusmodi usus stolae, saltem attenta perantiqua consuetudine, uti legitimus sit habendus ideoque servandus?

II. An vi eiusdem consuetudinis Hebdomadarius possit manere in habitu chorali usque ad hymnum et tunc assu- mere pluviale?