LEOPOLIEN. SEU PRESMILIEN. 719

ges enim non sunt una caro effecti, nisi perfecta copula intercesserit, ut sint duo in carne una; deficiente siquidem consummatione etiam deficit indissolubilis unio, quam disrum- pere nefas. Unde Romani Pontifices divini eloquii interpre- tes constanter a matrimonio simpliciter rato dispensarunt in auxilium christiani populi. Nec mirum si huiusmodi petitio- nes nostro aevo multiplicari videantur, cum id ex aucto fi- delium numero fotisque passionibus derivet, ideoque et in ma- ximam S. Sedis gloriam cedat.

Postremo memorat, benigne S. Sedem in his probationis rigore deflectere, qui ceteroquin requiritur in iudiciis super absoluta nullitate matrimonii decernenda. Pignatelli Consult. Canon. 140 n. 14. Ursaya Disc. eccl. 21 n. 136. Cosci De separatione tori coniug. lib. 3 cap. 2 n. 285. Idcirco •quando impossibilitas erumpit exquirendi physicam probatio- nem, tunc unice sufficientem retinet certitudinem moralem, quae iudicum sapientiae et religioni committitur absque in- terventu fallacium peritiarum. Ea enim moralis certitudo quaerenda est quam fert materies, scilicet moralis et non in- fallibilis probatio, ut monet Cosci cit. cap. n. 17, quia in- fallibilitas solum exposcitur in supernaturalibus, sed in na- turalibus, et in foro externo iuridica, et legitima ea reputatur probatio quam iura praescribunt'. Cui consonant Pignatelli tom. IV consult. 219 docens: « in iis quae sunt difficilis probationis iuramentum habetur pro legitima probatione, » nec non Rota Dec. 6 n. 8, et Dec. 124 n. 12 cor. Man- tica. -Huiusmodi vero principia praemonet orator in casu esse applicanda, ubi S. Congregatio antecedenter de cunctis exa- men, et ad testes credulitatis nempe septimae manus discus- sionem iudiciumque cohibuit.

Hisce animadversis, partem probatoriam in duo capita evolvit. Licet vero quaestionem praeterire affirmet quoad ma- trimonii validitatem, attamen cum inde, ut iam innui, prae- cipuam dispensationis causam invocet, nonnulla quoad hoc in primis iterum recolit. Sane animadvertit, de metu reve- rentiali a matre incusso ut Henrica in trepida conditione