720 Privationis Paroeciae

Caeterum ut quis legitime parochia privetur ob non resi-

dentiam, interveniat oportet vel una citatio personalis uti

monet Abb. in cap. Ex tuae, de Cleric. non resid., vel tres in Ecclesia, ita tamen ut a die ultima sex menses expectari

debeant d. cap. Ex tuae, Abb. consil. 67 num. 2, lib. i. Ita Barbosa in Collectan. Doctor, in Concil. Trident., sess. 23, cap. i, n. 73. Et Girald., in exposit. iuris canon. part. 2, sess. 88, ait: « Et quod spectat ad privationem parochiae pro

«omissione residentiae die 26 augusti 1621 S. Congregatio

« censuit Episcopum posse contra Parochum ut proponitur

« absentem, ad privationem procedere, dummodo tamen tria

« edicta publica praecesserint, et lapsi sint sex menses ad

« praescriptum Constitutionis Innocentii III quae incipit Ex

« tuae ».

Verumtamen ab hisce formalitatibus, quae ex iure constituto

procedunt, is tantum dispensare posset, qui suprema pollet

potestate.

Rescriptum. His rationibus hinc inde examinatis S. Con-

gregatio Concilii die 31 ianuarii 1874 respondit:

Scribatur Archiepiscopo ad mentem ut inducat Parochum

ad renuntiationem cum congrua pensione,, seu alia provisione

ab eodem Archiepiscopo determinanda, secus non posse deve-

niri ad privationem Paroeciae ob involuntariam non residen-

tiam, sed tantum ex causa canonica saltem summarie.

EXINDE COLLIGES :

I. Parochos abesse non posse a sua residentia, nisi causa

de iure permissa et ab Ordinario probata.

II. Episcopum devenire non posse ad privationem Paroeciae

ob involuntariam non residentiam, sed tantum ex causa cano-

nica saltem summarie agitata.