720 LEOPOLIEN. SEU PRESMILIEN.

redacta nuptias cum comite Plater iniret, seu testis Fuchs- in primis deponit aliique. Quibus si adnectatur conturbatio, qua Henrica ferme in deliquium incidit dum actu nuptiae celebrarentur, consequi videretur, attento statu in quo puella versabatur, timorem subiective gravem propter reverentia- lem metum extitisse. Unde, monet orator, adhuc intactam manere quaestionem et dubium positivum super nullitate hu- iusce matrimonii, eo vel magis quia post Concilium Triden- tinum, purgato etiam metu per cohabitationem, matrimonium non revalidatur, nisi iterum contrahatur adhibita rursus eius- dem Concilii forma, ceu inter plura tenuisse refert S. C. in Panormitana, Nullitatis matrimonii 20 Sept. 1719. Quare, subdit, rationabiliter comes Plater petebat ut Henrica pro veritate de hac coactione palam et aperte confiteretur.

Sed vero propius ad rem, prosequitur orator, extra omnem dubitationem ex actibus processualibus constantissime evin- citur huiusce matrimonii inconsummatio. Iurata siquidem co- ram Deo utriusque coniugis confessio peracta in duabus cu- riis Leopoliensi et Presmiliensi respective omnes veritatis, ac sinceritatis characteres praesefert, inspecta praesertim per- sonarum dignitate. Quae personae sacrilegam coram Deo et Ecclesia confessionem fecisse non sunt suspicandae, praeser- tim cum utrumque mentiri nescium omnes contestentur. Sane patronus observat comitem Plater non modo in petitione et in omnibus actibus, sed etiam formiter iuratum, deposuisse matrimonii inconsummationem ob invincibilem antipathiam.

Quod mulierem attinet, praeter ea quae fassa est in Cu- ria leopoliensi, ut Archiepiscopus retulit, animadvertendum censet orator, illam coram iudice presmiliensi sub fidei sa- cramento et quin aliquid de Pontificia dispensatione cogitaret ingenue pariter fassam esse semel tantum cubasse in eodem lecto, quin matrimonii implementum adfuerit : quod alias affirmavit absque contradictione. Demum Henricae sincerita- tem revinci affirmat et manifestissime probari ex eo quod officioso matrimonii vindici roganti num iuxta factam viro promissionem seu potius ex conscientia haec deposuisset, il-